Moneas d'euru Grécia

Las moneas d'euru griegas prehentan un diseñu deferenti pa cá una las 8 caras. Toas huerun criás pol Georgios Stamatopoulos. Las moneas de minol valol arreprehentan barcus griegus, las de valol meyu presonahis griegus de nombreria i las de mayol valol sabulugaris d'estória i mitulohia griega. Apaicin en tolos diseñus las 12 estrellas de la UE i el añu d'emprentación.

Namás que las moneas griegas gastan un alfabetu destintu el latinu. El céntimu d'euru se llama ΛΕΠΤΟ (“LEPTO”), prural ΛΕΠΤΑ (“LEPTA”) en griegu, a la escontra d'algotras luengas qu'ilihun la parabra “cent”. La parabra “EURO” se escrebi ΕΥΡΩ en griegu.

Las moneas griegas án siu empreentás en deferentis paisis de la UE. Una letrina assitiá nuna las estrellas premiti entifical el pais nel que la mesma hue acuñá:

• Denguna: Grécia
• E: España
• F: Fráncia
• S: Filándia (Suomi en filandés)

Diseñu e los eurus griegus

Moneas d'euru griegas | Caras nacionalis

0,01 €	0,02 €	0,05 €
Un trirremi ateniensi el s. V e. C.	Una corbeta (u dromon) de prencípius del sigru XIX	Un petroleru moelnu, símbolus l'endústria griega
0,10 €	0,20 €	0,50 €
Rigas Velestinlis-Feraios (1757-1798), pueta griegu	Ioannis Kapodistrias (1776-1831), estadista griegu	Eleftherios Venizelos (1864-1936), políticu griegu
1,00 €	2,00 €	2 € (cantu)
Imahin d'un dracma ateniensi el sigru V e. C., que muestra una coruha	El ratu d'Uropa pol Zeus ena horma dun toru (escena dun mosaicu espartanu)