Ángel Campos Pámpano

pueta i tradutol español
Esti artícalu no tien huentis ni referencias
Los conteníus duosus debin sel corretamenti atijaus pa demuestral que no se trata de vestigacionis primarias.

Ángel Campos Pámpano (San Vicenti d'Alcántara, 10 de Mayu de 1957 - Badahó, 25 de Noviembri e 2008) hue un pueta i tradutol estremeñu, gran defensol de la curtura i la literatura de Purtugal.

Ángel Campos Pámpano
Enhormación pressonal
Nacencia 10 de mayo de 1957 Ver y modificar los datos en Wikidata
San Vicente de Alcántara (España) Ver y modificar los datos en Wikidata
Muerti 25 de noviembre de 2008 Ver y modificar los datos en Wikidata (51 años)
Badajoz (España) Ver y modificar los datos en Wikidata
Causa de muerti Cáncer de páncreas Ver y modificar los datos en Wikidata
Nacionalidá Española
Educación
Educau en Nuversidá de Salamanca Ver y modificar los datos en Wikidata
Enhormación profissional
Oficiu Tradutol y poeta Ver y modificar los datos en Wikidata
Género Poesia Ver y modificar los datos en Wikidata

Biografia Edital

Tuvu nacéncia nel puebru San Vicenti d'Alcántara (província e Badahó), estuyó Filolohia Ispánica ena Univelsiá de Salamanca, hue professol d'enseñáncia meya duranti 20 añus en estitutus d'Estremaura i duranti 6 añus nel Instituto Español Giner de los Ríos en Lisboa, dondi regresó nel añu 2008 pa gorvel al su labutu n'Estremaura. Opuló las relacionis curturalis i puéticas entri las estitucionis i endividus de la rehión fronteriça d'Estremaura i Purtugal. Espenó el 25 e Noviembri e 2008 en Badahó tras sufril una operación de cáncel de pancrias; tinía 51 añus. Acabihaba de emprentalsi ena eitorial Calambur la su obra puética compreta: La vida de otro modo, ilustrá pol Javier Fernández de Molina i prologá pol professol Miguel Ángel Lama.

La su obra Edital

Amás de las sus traucionis i tareas d'ahitación curtural, lo mas emportanti la su criación puética es La ciudad blanca (1988), libru pioneru, de puesía meitativa, empresionista i de huerti empautu del conocimientu i goçu de Purtugal, de la su luenga, de la su curtura i de la su literatura, especialmenti la puesía. Siguierun Siquiera este refugio (1993), La voz en espiral (1998) i La semilla en la nieve (2004), libru pol qual alcibió el prémiu Extremadura a la Creación.

La su fegura Edital

Traduhu al español obras d'autoris de la literatura purtuguesa el sigru XX, cumu Fernando Pessoa, Carlos de Oliveira, António Ramos Rosa, Eugénio de Andrade i Sophia de Mello, entri algotrus. La su antolohia de Pessoa Un corazón de nadie, espubricá en Galaxia Guttenberg/Círculo de Lectores le proyeutó a los cérculus enteletualis nacionalis i entrinacionalis.

Hundó i derihió las rivistas Espacio/Espaço escrito i Hablar/Falar de Poesía, que pretendierun servil como atihu d'uñón entri las curturas i literaturas española (i estremeña) i purtuguesa.

Ángel Campos presidió la Asociación de Escritores Extremeños. En 1992, hundó el Aula de Poesía Enrique Díez-Canedo de Badahó de la associación, aula que'á passeau mas d'ochenta autoris pol estitucionis curturalis i estitutus de enseñáncia de tola rehión.

Prémius Edital

  • Prémiu e tradución Giovanni Pontiero pola su traución de Sophia de Melo.
  • Prémiu Extremadura a la Creación 2005 pol su libru La semilla en la nieve.
  • Prémiu Eduardo Lourenço de Guarda (Purtugal) (Espenó dos dias antis d'alcibilu).

Bibliografia Edital

  • Puesia
    • Materia del olvido (1986).
    • La ciudad blanca (1988).
    • Caligrafías (1989). Con el pintor Javier Fernández de Molina.
    • Siquiera este refugio (1993).
    • Como el color azul de las vocales (1993).
    • De Ángela (1994).
    • La voz en espiral (1998).
    • El cielo casi (1999).
    • El cielo sobre Berlín (1999). Con el pintor Luis Costillo
    • Jola (2004). Bilingüe y con fotografías de Antonio Covarsí.
    • La semilla en la nieve (2004).
  • Traución
    • Fernando Pessoa, Odas/Odes de Ricardo Reis ( 1980).
    • Antonio Ramos Rosa, Ciclo del caballo (1985).
    • Mario Neves, La Matanza de Badajoz (1986).
    • Carlos de Oliveira, Micropaisaje (1987).
    • Fernando Pessoa, El marinero ; En la floresta del enajenamiento (1988).
    • Eugénio de Andrade, El otro nombre de la tierra (1989).
    • Antonio Ramos Rosa, Tres lecciones materiales (1990).
    • Adolfo A. Ruy de Moura Belo, País posible (1991).
    • Al Berto, Una existencia de papel (1992).
    • José Saramago, El año de 1993 (1996).
    • Mário de Sá-Carneiro, La confesión de Lucio (1996).
    • Fernando Pessoa, Odas de Ricardo Reis (1998).
    • Fernando Pessoa, Poesías completas de Alberto Caeiro (1997).
    • Fernando Pessoa, Odas de Ricardo Reis (1999).
    • Eugénio de Andrade, La sal de la lengua (1999).
    • Fernando Pessoa, Un corazón de nadie : antología poética (1913-1935) (2001 y 2004).
    • Eugénio de Andrade, Todo el oro del día (2004).
    • Eugénio de Andrade, Materia solar y otros libros : obra selecta (1980-2002) (2004).
    • Sofia de Melo Breyner Andresen, Nocturno mediodía : antología poética (1944-2001) (2004).
  • Antolohias
    • Con Álvaro Valverde Abierto al aire. Antología de poetas extremeños (1971-1984) (1985).
    • Los nombres del mar. Poesía portuguesa 1974-1984. (1985)

Atijus p'ahuera Edital