Ada Bruhn Hoffmeyer
Adelheid (Ada) Maria Bruhn Hoffmeyer (Roskilde, Dinamarca, 1 de diziembri de 1910 - Xaraís dela Vera, Estremaúra, 8 d'abostu de 1991) hue una arquióloga i estoriaora danesa, estudiosa d'armas meyevalis.
| Ada Bruhn Hoffmeyer | ||
|---|---|---|
| Enhormación pressonal | ||
| Nacencia |
1 de diciembre de 1910 Roskilde (Dinamarca) | |
| Muerti | 8 de agosto de 1991 (80 años) | |
| Nacionalidá | Danesa | |
| Educación | ||
| Educau en | Escuela de la Catedral de Roskilde (hasta 1929) | |
| Enhormación profissional | ||
| Oficiu | Coservaol de museu y arquiólogu | |
| Empreaol |
| |
Biografía Edital
Realizó estudius primarius ena su ciá de nacencia, Roskilde, i alogu cursó Arquiología ena Nuversidá de Copenagui, licenciándu-si en 1936 con un trebaju a tentu del pintol griegu Oltu i la cerámica de figuras roxas. En 1939 entra a trebajal nel Museu del Exércitu de Copenagui (Tøjhusmuseet), i llegó a sel nombrá Conservaora Xefi del departamentu d'armas i armaúras. En 1945 se dotora con una tesis sobri l'espá meyeval de dobli filu, que se pubricará en 1954.[1] En 1951 se casa con Erling Hoffmeyer col que hundará el Estitutu d'Estudius d'Armas Antiguas en 1960. A partil del añu siguienti prencipia a publical la revista especializá n'armas antiguas Gladius. En 1962 l'estitución se traslada a Estremaúra, estalandu-si nel monecipiu de Xaraís dela Vera, huendu reconocíu pol CSIC. Dendi el su puestu comu diretora del Estitutu promovió el estudiu delas armas meyevalis meyanti congressus i l'edición i pubricación d'obras especializás. Ala su muerti l'Estitutu d'Armas Antiguas passa a sel el Estitutu Estóricu Hoffmeyer comu centru de envestigación del CSIC. En 2015 el centru de Xaraís es fechau i tolos sus fondus sonin tresladaus a Mairil.
Referencias Edital
- ↑ Oakeshott, Ewart (1998). The Sword in the Age of Chivalry. Boydell Press. pp. 1-. ISBN 978-0-85115-715-3.
Datos: Q62027249
