Ahmed III

Ahmed III (30 de diciembri de 1673 - Constantinopla, 1 de juliu de 1736) fue sultán del Imperiu otomanu i iju del sultán Mehmed IV. Subió al tronu dela Sublime Puerta en 1703 endispués dela adicación del su biembru Mustafa II.

Ahmed III
Enhormación pressonal
Nombre en turco otomano	آحمد ثالث
Nacencia	30 de diciembre de 1673 Dobrich (Eyalato de Silistra, Emperiu otomanu)
Muerti	1 de julio de 1736 (62 años) palacio de Topkapı (Estambul, Emperiu otomanu)
Sepoltura	Estambul
Religión	Islam
Familia
Pairis	Mehmed IV Emetullah Rabia Gülnûş Sultan
Cónyugi	Rabia Şermi Kadın Emine Mihrişah Kadın Ayşe Hanım Sultan Emetullah Kadın
Enhormación profissional
Oficiu	Gobernante, poeta y políticu
Cargus acupaus	Sultán del Imperio Otomano (1703-1730)
Firma
Escudo

Ahmed estableció i mantuvu güenas relacionis con Inglaterra i posteriolmenti Gran Bretaña teniendu en menti indudablementi la amenazanti actitú del Rusia. Acogió nel el imperiu a Carlos XII de Suecia dispués del marru suecu ena batalla de Poltava de 1709 a manus del zar rusu Pedro el Grandi. Forzau contra la su voluntá a entral ena guerra contra Rusia, fue el sultán que más cerca estuvu de fragmental el podel del su rival del norti, puestu que el su Gran Visir Baltaji Mahommed Paşa tuvu éssitu al asedialu completamenti cerca del Prut en 1711.

Nel tratau que Rusia fue obligá a firmal, el Imperiu Otomanu obtuvo la restitución d’Azov, la destrución delas fortalezas construías por Rusia i la promesa de que el zar debrie abstener-si de qualquier futura interferencia enos asuntus concernientis alos polacus u los Cosacos. El descontentu ena indulgencia destus términus fue tan acusau en Constantinopla que ábati provocó el estallidu duna nueva guerra contra Rusia.

En 1715 el Ducau de Morea fue conquistau alos venecianus. Estu dexó las manus libris pa las hostilidais con Austria, cola que el Imperiu Otomanu marró, i Belgrado cayó del lau d’Austria en 1717. Por mediación d’Inglaterra i los Paísis Bajus la Paz de Passarowitz s’estableció en 1718, pola que Turquía retuvu las sus conquistas alos venecianus, peru perdió Hungría.

Una guerra con Persia terminó en desastri, conduciendu a una rebelión delos jenízaros, qu’es depusierun a Ahmed en setiembri de 1730. Falleció en prisión seis añus más tardi.

Familia

Se sabi que Ahmed III es el sultán cola familia más numerosa dela dinastía otomana. La anfitriona del su harén fue Dilhayat Kalfa, conocía por sel una delas más grandis compositoras turcas del períodu moernu tempranu.

Consortis

Ahmed III tuvu al menus veintiuna consortis:

• Emetullah Kadin. Baş Kadin (primera consorti) i la su primera concubina, fue la mairi dela primogénita, Fatma Sultan, la ija favorita d’Ahmed. Fue la consorti más quería d’Ahmed, quien le dedicó una mezquita, una escuela i una hunti. Mu devota i activa ena caridá, murió en 1740 en el Palaciu Vieju.
• Emine Mihrişah Kadin. Ella era la mairi de cuatru ijus, incluyendu Mustafa III, vigésimu sextu sultán del Imperiu Otomanu, peru murió antis del ascensu del su iju i, por tantu, nunca fue Valide sultán. Murió en abril de 1732. El su iju construyó la Mezquita Ayazma en el su onol en Üsküdar.
• Rabia Şermi Kadin. Ella era la mairi d’Abdülhamid I, vigésimu séptimu sultán del Imperiu Otomanu, peru murió antis del ascensu del su iju i, por tantu, nunca fue Valide Sultan. En 1728, se le dedicó una hunti en Üsküdar. Murió en 1732. El su iju construyó la Mezquita Beylerbeyi en el su onol.
• Hürrem Kadin. Enumerá nun documentu que nombra alas consortis exiliás al Palaciu Vieju dispués dela deposición d’Ahmed III cuyas joyas fuerun confiscás. Murió dispués de 1730.
• Ayşe Mihri Behri Kadin. Antis de convertil-si en consorti, fue tesorera del harén.
• Hatem Kadin. Mairi de gemelus, murió en 1772 i fue aterrá en el cementeriu d’Eyüp.
• Emine Musli Kadin. Tamién llamaá Muslıhe Kadın, Muslu Kadin u Musalli Kadın. Mairi de dos ijas, murió en 1750 i fue aterrá con ellas en el Yeni Cami.
• Rukiye Kadin. Mairi duna ija i un iju, construyó una hunti cerca del Yeni Cami. Murió dispués de 1738 i fue aterrá cola su ija en el Yeni Cami.
• Fatma Hümaşah Kadin. Murió en 1732 i fue aterrá pol Yeni Cami.
• Gülneş Kadin. Tamién llamaá Gülnuş Kadın. Ella figura nun documentu que nombra alas sus consortis exiliás al Palaciu Vieju dispués dela deposición d’Ahmed III, cuyas joyas fuerun confiscás. Murió dispués de 1730.
• Meyli Kadin. Enumerá nun documentu que nombra alas consortis exiliás al Palaciu Vieju dispués dela deposición d’Ahmed III cuyas joyas fuerun confiscás. Murió dispués de 1730.
• Hatice Kadin. Murió en 1722 i fue aterrá en el Yeni Cami.
• Nazife Kadin. Enumerá nun documentu que nombra alas consortis exiliás al Palaciu Vieju dispués dela deposición d’Ahmed III cuyas joyas fuerun confiscás. Murió dispués de 1730, quizás el 29 de diciembri de 1764.
• Nejat Kadin. Enumerá nun documentu que nombra alas consortis exiliás al Palaciu Vieju dispués dela deposición d’Ahmed III cuyas joyas fuerun confiscás. Murió dispués de 1730.
• Sadık Kadın. Tamién llamaá Sadıka Kadin. Enumerá nun documentu que nombra alas consortis exiliás al Palaciu Vieju dispués dela deposición d’Ahmed III cuyas joyas fuerun confiscás. Murió dispués de 1730.
• Hüsnüşah Kadin. Murió en 1733 i fue aterrá en el Yeni Cami.
• Şahin Kadin. Murió en 1732 i fue aterrá en el Yeni Cami.
• Ümmügülsüm Kadin. Murió en 1768 i fue aterrá en el Yeni Cami.
• Zeyneb Kadin. Mairi duna ija, murió en 1757 i fue aterrá por Yeni Cami.
• Hanife Kadin. Mairi duna ija, murió en 1750 i fue aterrá en el Yeni Cami.
• Şayeste Hanim. Baş ikbal (favorita prencipal). Murió en 1722 i fue aterrá por Yeni Cami.

Ijus

Ahmed III tuvu al menus veintiún ijus, tolus aterraus, amás delos dos que se convirtierun en sultanis, en Yeni Cami:

• Şehzade Mehmed (24 de noviembri de 1705 - 30 de juliu de 1706).
• Şehzade Isa (23 de hebreru de 1706 - 14 de mayu de 1706).
• Şehzade Ali (18 de juniu de 1706 - 12 de setiembri de 1706).
• Şehzade Selim (29 d’agostu de 1706 - 15 d’abril de 1708).
• Şehzade Murad (17 de noviembri de 1707 - 1707).
• Şehzade Murad (25 de eneru de 1708 - 1 d’abril de 1708).
• Şehzade Abdülmecid (12 de diciembri de 1709 - 18 de marçu de 1710). Gemelu de Şehzade Abdülmelek.
• Şehzade Abdülmelek (12 de diciembri de 1709 - 7 de marçu de 1711). Gemelu de Şehzade Abdülmecid.
• Şehzade Süleyman (25 d’agostu de 1710 - 11 d’otubri de 1732) - con Mihrişah Kadin. Murió en los Kafes (jaulas u prisionis) dispués de dos añus de prisión.
• Şehzade Mehmed (8 d’otubri de 1712 - 15 de juliu de 1713).
• Şehzade Selim (21 de marçu de 1715 - hebreru de 1718) - con Hatem Kadın. Gemelu de Saliha Sultan.
• Şehzade Mehmed (2 de eneru de 1717 - 2 de eneru de 1756) - con Rukiye Kadın. Murió en los Kafes dispués de veintiséis añus de prisión.
• Mustafa III (28 de eneru de 1717 - 21 de eneru de 1774) - con Mihrişah Kadin. Fue el vigésimu sextu sultán del Imperiu Otomanu dispués de veintisiete añus de prisión en los Kafes.
• Şehzade Bayezid (4 d’otubri de 1718 - 24 de eneru de 1771) - con Mihrişah Kadin. Murió en los Kafes dispués de cuarenta i un añus de prisión.
• Şehzade Abdüllah (18 de diciembri de 1719 - 19 de diciembri de 1719).
• Şehzade Ibrahim (12 de setiembri de 1720 - 16 de marçu de 1721).
• Şehzade Numan (22 de hebreru de 1723 - 29 de diciembri de 1764). Murió en los Kafes dispués de treinta i cuatru añus de prisión.
• Abdülhamid I (20 de marçu de 1725 - 7 d’abril de 1789) - con Rabia Şermi Kadın. Fue el vigésimu séptimu sultán del Imperiu Otomanu dispués de cuarenta i cuatru añus d’encarcelamientu en los Kafes.
• Şehzade Seyfeddin (3 de hebreru de 1728 - 1732) - con Mihrişah Kadin. Murió en los Kafes dispués de dos añus de prisión.
• Şehzade Mahmud (? - 22 de diciembri de 1756). Murió en los Kafes dispués de veintiséis añus de prisión.
• Sehzade Hasan (? - ?). Probablimenti murió en los Kafes.

Ijas

Ahmed III tuvu al menus trenta i seis ijas:

• Fatma Sultan (22 de setiembri de 1704 - mayu de 1733) - con Emetullah Kadın. Ella era la ija favorita del su pairi. Se casó dos vezis i tuvu dos ijus i dos ijas. Ella i el su segundu maríu fuerun el verdaderu podel duranti la era delos tulipanis. Cayó en desgracia dispués dela revuelta de Patrona Halil i fue confiná al Palaciu de Çırağan, ondi murió tres añus dispués.
• Hatice Sultan (21 de eneru de 1701 - 29 d’agostu de 1707). Aterrá en el mausoleu Turhan Sultan en el Yeni Cami.
• Ayşe Sultan (? - 1706). Aterrá en el Yeni Cami.
• Mihrimah Sultan (17 de juniu de 1706 -?). Murió siendu niña i fue aterrá en el Yeni Cami.
• Rukiye Sultan (3 de marçu de 1707 - 29 d’agostu de 1707). Fue aterrá en el Yeni Cami.
• Ümmügülsüm Sultan (11 de hebreru de 1708 - 28 de noviembri de 1732). Gemela de Zeynep Sultan. Se casó una vezi i tuvu cuatru ijus i una ija.
• Zeynep Sultan (11 de hebreru de 1708 - 5 de noviembri de 1708). Hermana gemela de Ümmügülsüm Sultan. Fue aterrá en el Yeni Cami.
• Zeynep Sultan (5 de eneru de 1710 - juliu de 1710). Fue aterrá en el Yeni Cami.
• Hatice Sultan (8 de hebreru de 1710 - 1710, antis de setiembri). Fue aterrá en el mausoleu de Turhan Sultan en Yeni Cami.
• Hatice Sultan (27 de setiembri de 1710 - 1738) - con Rukiye Kadın. Se casó dos vezis i tuvu un iju.
• Emine Sultán (1711 - 1720). Fue aterrá en el Yeni Cami.
• Atike Sultan (29 de hebreru de 1712 - 2 d’abril de 1737). Se casó una vezi i tuvu un iju.
• Rukiye Sultan (7 de marçu de 1713 - otubri de 1715). Aterrá en el mausoleu de Turhan Sultan en Yeni Cami.
• Zeynep Asima Sultan (8 d’abril de 1714 - 25 de marçu de 1774). Se casó dos vezis i tuvu un iju.
• Saliha Sultan (21 de marçu de 1715 - 11 d’otubri de 1778) - con Hatem Kadın. Gemela de Şehzade Selim. Se casó cincu vezis i tuvu un iju i cuatru ijas.
• Ayşe Sultan (10 d’otubri de 1715 - 9 de juliu de 1775) - con Musli Kadın. Apodá Küçük Ayşe (que significa Ayşe la más joven ) pa distinguil-la dela su prima Ayşe la mayol , ija de Mustafa II. Se casó tres vezis i tuvu una ija.
• Ferdane Sultan (? - 1718). Murió siendu niña i fue aterrá en el Yeni Cami.
• Reyhane Sultán (1718 - 1729). Tamién llamaá Reyhan Sultan u Rihane Sultan. Fue aterrá en el Yeni Cami.
• Ümmüseleme Sultan (? - 1719). Tamién llamau Ümmüselma Sultan. Murió siendu niña i fue aterrá en el Yeni Cami.
• Rabia Sultan (19 de noviembri de 1719 - antis de 1727). Fue aterrá en el Yeni Cami.
• Emetullah Sultan (1719 - 1723) Tamién llamau Ümmetullah Sultan. Fue aterrá en el Yeni Cami.
• Rukiye Sultan (? - 1720). Murió siendu niña i fue aterrá en el Yeni Cami.
• Beyhan Sultan (? - 1720). Murió siendu niña i fue aterrá en el Yeni Cami.
• Emetullah Sultan (17 de setiembri de 1723 - 28 de eneru de 1724). Fue aterrá en el Yeni Cami.
• Emine Sultan (finalis de 1723/prencipius de 1724 - 1732). Fue aterrá en el Yeni Cami.
• Nazife Sultan (mayu de 1723/1725 - antis de 1730 u 29 de diciembri de 1764). Escepcionalmenti, nunca se casó, mu probablimenti porque padecía una malotía crónica u tenía problemas físicus i/u mentalis. Vivió recluía en el Palaciu Vieju tola su vía. Sin embargu, sigún otrus estoriaoris, en realiá murió siendu una niña i la Nazife que murió en el Palaciu Vieju en 1764 fue una delas consortis d’Ahmed III col mesmu nombri, Nazife Kadin.
• Ümmüselene Sultan (12 d’otubri de 1724 - 5 de diciembri de 1732). Fue aterrá en el Yeni Cami.
• Naile Sultan (15 de diciembri de 1725 - otubri de 1727). Fue aterrá en el Yeni Cami.
• Esma Sultan (14 de marçu de 1726 - 13 d’agostu de 1778) - con Hanife Kadın u Zeyneb Kadın. Apodá Büyük Esma (que significa Esma la mayol ) pa distinguil-la dela su sobrina Esma la menol , ija d’Abdülhamid I. Se casó tres vezis i tuvu una ija.
• Sabiha Sultan (19 de diciembri de 1726 - 17 de diciembri de 1726). Fue aterrá en el Yeni Cami.
• Rabia Sultan (28 d’otubri de 1727 - 4 d’abril de 1728). Tamién llamau Rebia Sultán. Fue aterrá en el Yeni Cami.
• Zübeyde Sultan (28 de marçu de 1728 - 4 de juniu de 1756) - con Musli Kadın. Se casó dos vezis.
• Ümmi Sultan (? - 1729). Llamau tamién Ümmügülsüm Sultan. Fue aterrá en el Yeni Cami.
• Ümmühabibe Sultan (? - 1730). Fue aterrá en el Yeni Cami.
• Akile Sultan (? - 1737). Fue aterrá en el Yeni Cami.
• Ümmi Sultan (1730 - 1742). Llamaá tamién Ümmügülsüm Sultan. Fue aterrá en el Yeni Cami.