Albert Einstein

Albert Einstein (14 de marçu de 1879 - 18 d'abril de 1955) hue un físicu i centíficu alemán d'origin judíu. Endespués se nacionalizó suiçu, austriacu i estaunidensi. En 1921, acibió el Premiu Nobel en física.

Albert Einstein

Einstein es famosu polas sus teorías al tentu dela lus, materia, gravedá, espaciu i tiempu, las cualis huerun una revolución pala física, conocías comu la teoría dela relatividá especial i la teoría dela Relatividá General. La su ecuación más famosa es , pola que l'energía i la massa son equivalentis i que la cantiá d'energía nuna massa determiná es la mesma que la cantiá de massa multiplicá pola velocidá dela lus al quairau.

La su vidaEital

Einstein tuvu nacencia n'Ulm, Württemberg, Alemaña, endretu duna familia judía. Albert hizu estuyus primarius nun colegiu católicu. No tuvu buenas esperencias ena escuela secundaria; peru prontu estuvu interessau en cencia i matemáticas.

Estuyó ena Escuela Politécnica Federal de Zurich, en Suiça. Alú de gradual-si, consiguió un trebaju nuna oficina de patentis. En trebajandu allí, laboró la su teoría dela relatividá espacial, que presentó en 1905. Hue prehessol en física ena Nuversidá de Berna i endespués ena Nuversidá Alemana de Praga.

Justu enantis del escomiençu dela Primel Guerra Mundial, golvió pa Alemaña, asentandu-si en Berlín, ondi dirigió la seción de física nel Estitutu Kaiser Wilhelm de Física. Ala llegada al poel delos nazis d'Adolf Hitler, contrarius alas sus teorías, que consideravan un peligru pal país, i huertementi antisemitas, Einstein tuvu qu'avandonal el país i aballó palos Estaus Uníus. En 1940 se golvió cidadanu estaunidensi.

Duranti la Segunda Guerra Mundial, Einstein hue unu delos centíficus que consejarun al presidenti delos EEUU. Franklin D. Roosevelt que los Estaus Uníus deberían crial una bomba atómica enantis qu'el goviernu nazi lo hiziera primeru.

En 1952, el goviernu israelí piió a Einstein que huera el segundu Presidenti d'Israel, peru esti se negó.

Einstein murió el 18 d'abril de 1955, malatu del coraçón.