Bandera d'Estremaúra

La bandera d'Estremaura, sigun se determina nel artículu 4-1 el Estatutu d'Autonomia está holmá por tres franjas orizontalis i egualis, en ordin d'altu a baju, de coloris verdi, blancu i negru.

Bandera.

Respetu al su origin, dessisitin albondu versionis o enterpretacionis qu'endilgan el senificau los coloris. Apaeció enos añus 70, i enos añus 80 se bia popularizau tantu que los escrevioris el Estatutu d'Autonomia, nel 1983, no dudarun en encluí-la al mesmu.

En albondu publicacionis de caraiti oficial, s'izi que los coloris la bandera son un omenaji a la estória meyeval la region, ondi representa:

• Verdi: colol el emblema de la Ordin d'Alcántara, nacia ena província Caçris i posteriormenti assitiá tamien en Baajós.
• Blancu: por sel el colol gastau nel pendon rial de Lión, tierra repoblaora de la region.
• Negru: en onol al estandarti del mesmu colol de los reis del Réinu de Baajós, duranti el cual se va a hazel una emportanti contribucion a la cultura i al arti.