Calpúrniu Sículu

Calpúrniu Sículu (en latín Titus Calpurnius Siculus, [ˈtiːtʊs kɑʟˈpʊrnɪʊs ˈsɪkʊlʊs]) hue un pueta sicilianu el sigru I.

Calpurnio Sículo
Enhormación pressonal
Nacencia	valor desconocido Roma (Itália)
Muerti	valor desconocido
Enhormación profissional
Oficiu	Poeta y escrevienti

Via

Denguna enteración ai sobri la via desti pueta. Apeninas se deduzi la su arcendéncia siciliana pol su cognomen i los estuyosus ven angunus rasgus biográficus ena figura Coridón de pa la su obra. Assina angunus filólogus lo hazin de Lucánia pola mención los bosquis lucanus. Pol otrus velsus, quijun atijalu a la Baetica en entificandu el nombri Melibeu con Séneca u con Calpúrniu Pisón. Nellus el pueta has alabáncia el arriu literáriu dessi tal Melibeu. Lo que sí es ciertu es que Calpúrniu Sículu ubu de vivil pa quandu Nerón, sigún la descrición los juegus ena Roma neroniana.

Paissagi sicilianu.

Obra

Los manuscritus trasmitin onzi composicionis bucólicas embaju el nombri T. Calpúrniu Sículu, anque paici sel que las quatru úrtimas pretenecin en verdá a Nemesianu, un autol el sigru III.

Las églogas calpurnianas siguin el estilu las Bucólicas Vergíliu, anque de mó indreitu tamién se hallan enfochaus los testus Teócritu, entificándusi a Títiru con ésti . Más, angunas manus tracamundearun la pátria i el praenomen Calpúrniu entri Titu i Teócritu, pol sel dambus a dos escritoris sicilianus i bucólicus.

Abreviaturas

Dalcuerdu con el dicionáriu latín Oxford, esti autol tien l’abreviatura Calp.. La su obra bucólica s’abrévia comu Ecl.

Bibliografia

• Correa, J. A., “La patria de Calpurnio Sículo”, E. C. 88, 1984, pp 223-28.
• VV. AA., Oxford Latin Dictionary, Oxford, OUP, 1968.

Atijus pa'huera

• Calpúrniu Sículu ena Encyclopaedia Britannica.
• Testu latinu i tradución ingresa las Églogas.

• Datos: Q559878