Categoría:Bárrius i alquerias de Badahó

COHTRUCIÓN E PAHA

BREBI EHTORIA:

La paha es uno e los materialis e cohtrución más antigus conocíus. Combinau con el barru s´ha utiliçau duranti milis de añus. En Alemania esta belaili muchias casas e barru con paha e más e 500 añus e antegüeá qu´aun se están utiliçandu. En Inglaterra esta belaili más e 100000 casas e "cob" (barru i paha) e 200-20 añus que se siguen usandu comu bibiendas. Las casas e jaldus e paha son relatibamenti nuebas, po´la simpli radón e que la máquina embalaora lo es. La embalaora manuá jue embentá en los EE.UU. en 1850, la e behtias en 1875, i la e bapol en 1884. La primela casa (ocumentá) jeitu con jaldus e paha jué cohtruia en las chanuras e Nebraska en 1896-97 (belellí nu abía ni madera ni peñahcu con que cohtruil). Emençarun comu casa "tempurialis" mentris los colonus ehperaban la llegada e materialis pá jadel "casas e berdá". Peru se dieron cuenta e que era un materiá mu aislanti, fácil e labutal, i baratu. Asín que entri 1915-1940 jueron cohtruius bastantis casas (ai uno 70 casus ocumentaus). En Iuropa, la casa e jaldus e paha más antegu conociu jue cohtruia en Montargis, Francia en 1921. A partil e 1940 (sea pol la 2º Guerra Mundiá u pol la presión e los empresarius el cimentu) esti estilu e cohtrución cayó al desuso. La mayoría e ehtas casas an siu abaldonás, peru aún quean unas docenas e estus eificius que están en güen estaú i que se siguen utiliçandu.

El "renacimento" e la cohtrución con jardus e paha emenzó en 1973 un artículu sobri el tema escritu pol Roger Welsch pál libru "Cobijus". Jué la ihpiración pá una nueba heneración e casas e jaldus e paha. En los siguientes añus, muchias presonas en los EE.UU. escomenzarun a golbel a esprimental con esti materiá. En 1991 salió el primer libru sobri cohtrución con paha (escretu pol S.O. Macdonald). Tamién se folmó la asociación "Out on a Bale" i començó la pubricación e la rebihta "The Last Straw"-dambus edicaus esclusibamenti a la cohtrución con jaldus e paha. Ahtuarmenti esistin casas e paha en Méhico, EE.UU., la mayoría e países e Europa Occidental, Central, i Oriental, en África, India e inclusu en China. Aquí en Iuropa esisti la asociación "European Strawbale Network" (red Europea e Cohtrución con jaldus e paha); jue jormau en 1998, i se reúne bianualmente en arguna palti e Europa i mantiene un foro ahtibo en el enternet. En Juniu 2004 se reúni en Friland, Denamarca (pa más injormación www.thelaststraw.com). Pol fin a llegau la cohtrución con esti materiá a nosotrus. Ehta es nuestra opoltuniá pá contribuil a la ehtoria i realiá e la cohtrución con jaldus e paha.

ATIHUS

http://www.casasdepaja.org http://www.arquitectura-y-paja.org