Coguta

Coguta (Galerida cristata)
Otrus nombris:	Cotovía, cotovilla, cotolía, cotolovía, gotupa
Destribución
Crassificación científica
Reinu	Animalia
Filu	Cordata
Crassi	Avis
Ordin	Passeriformis
Familia	Alaudidae
Géneru	Galerida
Especii	Galerida cristata
Autol
Linaeus, 1758
Estau de conservación
Conservación deCoguta

La coguta [kʊˈɣuta] (nom. cient. Galerida cristata) es un'avi dela familia delos alaúdidus, corrienti por Uropa i que no emigra.

Sinonimia

La coguta tamién se conoci comu cotovía i gotupa.

Morfología

Es un'avi de 17,5 cm de largu i 34 de remuecu. No presenta deferencia sessual. Las prumas son jaspeás i pardinas ena espalda i pechu i brancucias ena barriga. El picu es un pocu más largu que dela londra. Se destaca pol moñu ena cotorina que alevanta o abaxa sigún esté en reposu.

Comportamientu

La coguta vivi en terrenus abiertus, lo mesmu nel campu, que enas zonas urbanas (jardinis, parquis, etc.), sobre los que quasi que siempri se vé en cata de simientis o bichinus que vivin ena tierra.

Tien un cantu cortu i monótonu.

Tien dos puesta al cabu'l añu. Avançá la primaera, p'abril, pon entre 3 i 6 uevus pintorreaus que abrin tras delos trezis días. Las crías quean horru el níu deque passan 10 días, siendu volandonis alos 20 días.