Comportamientu

Comportamientu es la colezión d'azionis i gehtus jechas por organihmus, sihtema, or entidáis artificialis al interazional con ellus mehmus i con el ambienti, el cual inclui los otrus sihtemas u organishmus d'al reor asín comu'l ambienti físicu (inanimau). Es la rehpuesta del sihtema u organihmu a varius ehtímulos o novedáis, tantu internus comu externus, conscientis o inconscientis, abiertus o cerraus, i voluntarius o involuntarius.

Comportamientu en sicología

Técnicamenti, en psicología, el comportamientu se defini e dos maneras:

1. Tó lo que un organihmu jazi frenti al meyu.
2. Cualquier interazión enti un organihmu i el su ambienti.

El comportamientu en un sel humanu individual (y otrus organihmus e inclusu mecanihmus) s'engloba drentu d'un rangu, siendu argunus comportamientus comunis, algunus inusualis.

Comportamientu del consumidor

El ehtudiu del comportamientu del consumidor ehtá enfocau en la forma en que los individus toman decisionis pa gahtal los sus recursus dihponiblis (tiempu, dineru i ehfuerçu) en artículos relacionaus con el consumu. En economía la dehcripción del comportamientu del consumidor se conoci comu teoría del consumidor. Ca ehcuela de pensaeru económico s'ai basau en supuehtus diferentis, pa dehcribil el comportamientu del consumidor prototípico e ca mercau. En general la teoría del consumidor trata e rehpuendel a las siguientis cuehtionis:

1. Daus los recursus monetarius del consumidor i un ciertu vehtor e precius, qué bienis ehcogerá consumil i en qué proporcionis relativas.
2. Cuándu elegirá consumiglus, i qué porcentaji la su renta decidirá gahtal en el período en cursu, qué porcentaji preferirá ahorral pa consumus juturus.

Véasi tamién

• Adaptación social
• Análisis aplicau e comportamientu
• Comportamientu social
• Control social
• Cohtumbri
• Ecologia del comportamientu - Etologia
• Economía la conducta
• Antropologia
• Sicologia
• Çona e confort

Huentis

Bibliografía

• Costes y beneficios de vivir en grupo. Fuente: tomado principalmente de Alcock (1993), Krebs y Davies (1993) y Dockery y Reiss (1999)
• Alcock, J. (1993): Animal behaviour:An evolutionary approach. Sinahuer Associates, Sunderland.
• Davies, N.B. (1992): Dunnock Behaviour and social evolution. Oxford University Press, Oxford.
• Shiffmany, Kanuk. Introducción al comportamiento del consumidor
• Dockery, M y Reiss,M. (1999): Behaviour. Cambridge University Press, Cambridge.
• Krebs, J.R. y Davies, N. B. (1993): An introduction to behaviorual ecology. Black-well Scientific Publications, Oxford.
• Plomin Robert, DeFries, John C., Knopik, Valerie S. & Jenae M. Neiderhiser. "Behavioral Genetics". Shaun Purcell (Appendix: Statistical Methods in Behaviorial Genetics)
• Flint, Jonathan; Greenspan, Ralph J. & Kendler, Kenneth S. "How Genes Influence Behavior"

Atijus

• En Commons ai conteníu multimedia sobre Comportamientu.
• Links to review articles by Eric Turkheimer and co-authors on behavior research
• A Unified Theory of Human Behavior