Deportis
El deporti es una actividá reglamentá, normalmenti de carácter competitivu, que pué mejoral la condición física[1] de quien lo practica, y además tié propiedáis que lo diferencian del juegu.
La Real Academia Española, en el su Izionariu la luenga española, defini deporti com'una «actividá física, ejercía comu juegu o competición, cuya práctica suponi entrenamientu y sujeción a normas»; tamién, en una segunda acepción, más amplia, comu «recreación, pasatiempu, placer, diversión o ejerciciu físicu, polo común al airi libri».[2] Por otra parti, la Carta Europea del deporti lo defini comu: «Töas las formas e actividáis físicas que meyanti una participación organizá o no, tién com'objetivu l'expresión o la mejora la condición física y psíquica, el desarrollu las relacionis socialis o la obtención e resultaus en competición e toïtus los nivelis».[3]
Institucionalmenti, pa que una actividá sea considerá deporti, debi estal avalá por estructuras administrativas y de control que s'encargan de reglamentaglu (las organizacionis deportivas).[4] El hechu de que'arguna actividá no esté reconocía institucionalmenti como deporti, no impidi que puea estaglu popularmenti, com'ocurri con el deporti rural o con los deportis alternativus.
La mayoría las definicionis e deporti lo definin comu «actividá física», peru existin actividáis de baju o nulu ejerciciu físicu que son considerás comu deportis por asociacionis comu'l COI, por ejemplu el ajedrez,[5] o el tiru deportivu, por pensalsi que la concentración y habilidáis mentalis necesarias pa destacal en ellas requierin una güena forma física. Pol contrariu, existin actividáis físicas extenuantis que no son un deporti, por no cumplil con otrus elementus la definición.
Asín mesmu, d'acuerdu con el Comité Olímpicu Internacional, la práctica del deporti es un derechu umanu, y unu los prencipius hundamentalis del Olimpismi es que «toïta persona debi tenel la posibilidá de practical deporti sin discriminación e nengún tipu y drentu del espíritu olímpicu, qu'exigi comprensión mutua, solidaridá y espíritu d'amistá y de juegu limpiu».[6]
Guípise tamién
EditalHuentis
EditalReferéncias
Edital- ↑ "Mujé y Deporti". http://www.efdeportes.com/efd42/mujer.htm%7Csitioweb = www.efdeportes.com
- ↑ Izionariu la luenga española. Definición e deporti. http://lema.rae.es/drae/?val=deporte
- ↑ Carta europea del deporti. https://web.archive.org/web/20150924011818/http://www.femp.es/files/566-69-archivo/CARTA%20EUROPEA%20DEL%20DEPORTE.pdf
- ↑ https://web.archive.org/web/20190627025923/http://www.politecnicocartagena.com/wp-content/uploads/2012/11/el_deporte_como_fenomeno_social.doc (El deporti comu fenómenu social)
- ↑ El ajedrez, un deporti qu'estimula la menti. https://web.archive.org/web/20130628040752/http://www.club59mas.com/actividades-saludables/el-ajedrez-un-deporte-que-estimula-la-mente
- ↑ Comité Olímpicu Internacional. Carta olímpica. http://www.coe.es/web/COEHOME.nsf/b8c1dabf8b650783c1256d560051ba4f/48781e452fd3070cc1256e23005a4454/$FILE/Charter_SPA_-_2004.pdf
Bibliografía
Edital- Corriente, Federico y Jorge Montero: Citius, altius, fortius. El libru negru del deporti. Pepitas de Calabaza, 2011.
- Estadella, Antonio Franco: Deporti y sociedá. Méxicu: Salvat, 1974. ISBN 84-345-7436-5.
Atijus
Edital
En Commons ai conteníu multimedia sobre Deporti.
