Día d'Estremaúra
El Día d'Estremaúra, es la festividá oficial dela Comunidá autónoma d'Estremaúra, celebrá el 8 de Setiembri, coincidiendu cona fiesta religiosa dela Virgin de Guadalupi, patrona dela región. A tolos efetus es un dia festivu en tol territoriu estremeñu sigún la Lei 4/1985, de 3 de juñu, del Escú, Inu i Día d'Estremaúra.
Estoria
EditalEl primel Día d'Estremaúra se celebró en 1985 i los atus prencipalis tuvierun lugal ena localiá de Guadalupi, ondi s'alcuentra assitiau el Rial Monastériu de Guadalupi, que es unu de los símbolus de la dentiá estremeña, pol sel el santuáriu de la Vilhin de Guadalupi, cuyu coronaeru cumu patrona canónica d'Estremaúra hue una de las primeras manifestacionis d'essaltación rehionalista el 20 de Marçu de 1907 i polas impricacionis estóricas i colturalis que a través de Guadalupi unin al puebru estremeñu con Iberoamérica.
A partil de 1987 se celebra ena localidá caçriña de Trugillu, ondi chegarun a reunil-si unas 100.000 presonas ca añu pa participal enos atus curturalis, folclóricus, deportivus i pulíticus hata 1993, añu en qu'ehan de celebral-si los atus murtitudinárius en esta ciá.
Celebraeru atual
EditalUguañoti los atus estitucionalis prencipalis suelin celebral-si nel Teatru Romanu de Méria, nel que tien lugal el içau de banderas al son delos inus oficialis, el atu d'entrega delas Medallas d'Estremaúra i el Discursu del Presienti la Hunta d'Estremaúra, ena víspera el Dia d'Estremaúra, el 7 de Setiembri.
El 8 de Setiembri tiinin lugal atus de caratel religiosu, con motivu del patronasgu rehional de la Vilhin de Guadalupi, ena localiá el mesmu nombri. Ca ayuntamientu olganiza atus estitucionalis, curturalis i deportivus nel su monicípiu pa conmemoral la fiesta rehional.