Diego Sánchez de Badajoz

Diego Sánchez de Badajoz (Talavera la Real, caberus del sigru XV - †1549), poeta, dramaturgu i cregu estremeñu del Renacimientu.

Se conoci pocu dela su vida. Hue párrocu de Talavera entri 1533 i 1549. Los sus poemas i pieças dramáticas huerun editás pol su sobrinu ena obra Recopilación en metro (Sevilla, 1554). Las sus pieças, de temática religiosa, destacan pol alternal el usu d'un castellanu cultu cona palra populal del puebru en lengua estremeña, huendu la su obra el primel testimoniu literariu escrevíu que se conoci en dicha idioma.