El Lugal-Nuevu [luˌɣalˈnu̯eβ̞ʊ] (ofic. Villarreal de San Carlos) es una pedanía pertenecienti al monicipiu dela Serraílla, ena provincia de Caçris, Estremaúra.

El Lugal-Nuevu
Entidad subnacional

Coordenadas 39°50′51″N 6°01′47″O / 39.847472222222, -6.0297222222222
Entidad Entidá singulal de puebración
 • País Bandera de España España
Altol  
 • Media 313 m s. n. m.
Gentilíciu Lugaretu, -a
Código postal 10695[1]

Nombri Edital

El nombri que tien el puebru en estremeñu i comu se refierin a él los propius serraillanus es el de El Lugal-Nuevu, por estal el puebru ena finca que se conocía con essi nombri. El propiu gentiliciu es el de lugaretu.

Estoria Edital

Esti lugal lo hundarun quandu Carlus III, entre 1758 i 1788, comu puestu pa vegilal Monfragüi, pos estava gafau de bandolerus. Los assaltus ena puenti del Cardenal i nel Puertu la Serrana eran mu corrientis. En el lugal crió una casa-quartel, una casa curatu, ilesia i escuela.

Quandu el Antiguu Régimi se farrungó, el puebru se costitúi en monicipiu costitucional i dendi 1834 quea ena socampana del partíu judicial de Prasencia.

Enque el lugal no llegó a cogel nunca muchus abitantis, quandu la costrución delos pantanus del ríu Taju i Tieta subió la pobración, peru deque acabarun las obras, namás se quearun unas poquinas de familias.

En 1979 se nombró el Parqui Nacional de Monfragüi, hiziendu que'l puebru se queara drentu comu nucliu pobrau, agora centru i pará pal visiteu ornitológicu.

  1. Worldpostalcodes.org, código postal n.º 10695.