Eloy Bejarano Sánchez

Eloy Bejarano Sánchez (Zarza de Granadilla, (Cáceres), en 1855 - Madrid en 1917)

Meicu, profesol e investigaol estremeñu. Cursó los sus estudius superioris en la Universiá de Salamanca, licenciándosi en Melecina en 1874 y endispués jidu Ciencias Físico Químicas en la mesma universiá. Jue meicu rural, meicu de la corti, profesol y tuvu abondus cargus públicus, Consejeru de Sanidad y de Instrucción Pública, Secretariu del Conseju de Sanidá, Comisariu Regiu del Colegiu Nacional de Sordomuus y Ciegus, Inspectol General de Sanidad Interiol, Delegau del Ministeriu de la Gobernación pal andanciu de viruela en diciembri de 1903, etc.[1].

Participó en congresus nacionalis e internacionalis. Publicó muchus artículus y librus ondi sobresali: El escepticismo en medicina, Aguas azoadas, El empleo del láudano en el cólera, El nitrógeno y la medicación nitrogenada, La gripe o El tratamiento pedagógico de los sordomudos.[2]

Miembru de la Real Academia Nacional de Medicina (1906), cuyu discursu de ingresu lo mentó comu: "El ejercicio profesional de la Medicina en nuestros días.[3]

Recibió abondus reconocimientus honoríficus comu: Gran Cruz de Beneficiencia, Gran Cruz de Caballero del Mérito Naval, Comendador de la Orden de Villaviciosa de Portugal[4] e Hijo Predilecto de Zarza de Granadilla, actu ondi estuvu el poeta José María Gabriel y Galán, leyendu un poema suyu.[5]

En su pueblu natal se le ha puestu su nombre a la plaza ondi está la casa en la que nació.

ReferenciasEital

  1. Extremeños ilustres, Eloy Bejarano Sánchez
  2. Eloy Bejarano Sánchez Real Academia Nacional de Medicina
  3. Discurso de ingreso en el Centro de Estudios Bejarano de D. José María Hernández Díaz y contestado por D. Manuel Antonio Marcos Casquero.
  4. “202 Biografías Académicas”, Valentín Matilla Gómez, Real Academia Nacional de Medicina, Madrid, 1987
  5. Cartas del poeta.