Emiliana Santa-Cruz González
Emiliana Santa-Cruz González (Córdova, 11 de setiembri del 1926-Córdova, 26 de mayu del 2004), conocía comu Emily Santa-Cruz, hue una escreviora española de cuentu, teatru i puesía.
| Emiliana Santa-Cruz González | ||
|---|---|---|
| Enhormación pressonal | ||
| Nacencia |
11 de septiembre de 1926 Córdoba (España) | |
| Muerti |
26 de mayo de 2004 (77 años) Córdoba (España) | |
| Causa de muerti | Insuficiencia cardíaca | |
| Nacionalidá | Española | |
Biografía
EditalLa su nacencia hue en Córdova (España), el onzi de setiembri del 1926, nuna familia numirosa i comu la mas chiquenina d'onzi ermanus. Ella mesma se definía comu una chiquilla rabisca, revesina i soñaora. Estuyó nel Colegiu delas Escravas del Sagrau Coraçón de Jesús de Córdova i dendi mu nueva s'interessó pola literatura i pola escreviúra, possimenti pola literatura infantil moerna.[1]
Ena su joventú aprendió a leyel alos zagalinus delas pessonas temporeras que trebajavan ena finca familial. Angunus añus endispués esmençó a escrevil narrativa infantil pa ahinchonal alos zagalinus i zagalinas a juegal cona maginación, a deprendel a soñal i a vivil.[1]
Trebajó hata la su jubileación ena Compaña Telefánica d'España, aondi hormó el Grupu Teatral de Telefánica nel que participó comu ayuanti de dereción, regiora d'escena i apontaora, tareas que pa ella eran familiaris, pos ya avía hormau enantis el Teatru de Medea con Josefina Molina.[1][2]
Emily Santa-Cruz González, espenó en Córdova el 26 de mayu del 2004, alos setenta i sieti añus d'edá, por una afición del coraçón.[3]
Literatura infantil
EditalLos sus primel trebajus literarius infantilis huerun Cuentus d'Emily i Aventuras de Butifarrete, pubricaus por Edicionis L'Almendru nel 1982 i nel 1983, a respetivi.[1] Butifarrete, es un guarrinu pretu conas caraterísticas exempraris comu moelu de conduta pal su púbricu infantil, que protagonizó angunas delas sus obras dentri las qu'están Butifarrete dotol, Butifarrete i el arabescu aberintu, Butifarrete i la chilaba mágica o Butifarrete i el hebreísta cordovés. Pubricó otrus cuentus comu El almariu palranti, Carava d'otoñu o La fortaleza.[1][2]
Mundu coltural
EditalS'empricó nel mundu coltural dela su ciá, enque no solu essu, lo que le hizu nel añu del 1998 de hormal parti dela Associación Coltural Airis de Córdova, qu'avía esmençau tres añus anantis comu un bandu sin benefíciu nengunu pa desenroal i esparigil l'arti local mas pallá del territoriu nacional. Tamién anduvu atillá ala Carava Wallada del Círculu de l'Amistá. La puesía hue sotru delos sus génerus cautivaus pola Tía Emily, que calavoró tamién con muchas revistas nacionais i entrenacionais comu Córdova en Mayu, Agentis Comercialis, Astru, Wallada, Airis de Córdova, Brisas puéticas moernas de Hollister (Estaus Uníus), Tiempu de Puesía (Córdova-Argentina) i muchus mas.[1][2]
Empicaeru alos torus
EditalHue una grandi empicá alos torus. Hue la primel i la única mugel que perteneció ala carava taurina del Real Círculu de l'Amistá de Córdova. Amás, hue socia d'onol dela peña taurina Chiquilín, enfundá nel 1988. La su passión i las sus conocencias taurinas quearun refrexás en angunas de las sus obras comu: Brevi apontamientu sobri la tauromaquia en Córdova nel 1993, Efeméridis taurinas i poemariu cordovés nel1997 i otrus muchus poemas dedicaus al toru i alos maestrus del toreu. Nesti sentíu, calavoró con angunas revistas dela epoca relacionás col mundu taurinu comu Torerus de Córdova i Anuariu Taurinu de Santandel.[2]
Obra
EditalPubricó mas de venti librus.[3] Amás dela su produción de literatura infantil, ena su obra tamién ain novelas de géneru policiacu comu El silenciu habla, La mari acusa i Roncu conferencianti.[1][2] I la obra dedicá ala su ciá de nacencia Leyendas cordovesas i Córdova nel tiempu.[1]
Premius i reconocencias
Edital- Nel 2010, el Ayuntamientu de Córdova le dedicó una calli ena su ciá.[4]
- Nel 2017, hue la presentación del librinu Poemas d'Arena nel omenagi a Emily Santa-Cruz.[5]
Referencias
Edital- ↑ 1,0 1,1 1,2 1,3 1,4 1,5 1,6 1,7 «Emiliana Santa-Cruz González — Escritoras y Escrituras HUM753 Universidad de Sevilla». escritorasyescrituras.com. Archivado desde el original el 14 de octubre de 2023. Consultado el 22 d'otubri del 2023.
- ↑ 2,0 2,1 2,2 2,3 2,4 Velázquez-García, Sara; García-Pérez, María-Isabel (19 de diciembre de 2022). «Cuentos infantiles, leyendas y relatos policíacos: ejes narrativos en la producción literaria de Emily Santa-Cruz». La Palabra (44): 1-14. ISSN 2346-3864. doi:10.19053/01218530.n44.2022.14415. Consultado el 22 d'otubri del 2023.
- ↑ 3,0 3,1 «Fallece la escritora Emiliana Santa Cruz». Diario Córdoba. 28 de mayo de 2004. Consultado el 22 d'otubri del 2023.
- ↑ Córdoba, El Día de (23 de octubre de 2010). «La Junta de Gobierno felicita a Rosa Aguilar por su nombramiento». El Día de Córdoba. Consultado el 22 d'otubri del 2023.
- ↑ «Presentación del libreto "Poemas de Arena" en homenaje a Emily Santa-Cruz». Ayuntamiento de Córdoba. Delegación de Cultura. 19 de abril de 2017. Consultado el 22 d'otubri del 2023.
Atijus p'ahuera
Edital
Datos: Q123013853
