Emocionis

En sicologia i filosofia, emoción es una experencia subjetiva, conscienti caracteriçá principalmenti por expresionissicofisiológicas , reazionis biológicas, i ehtaus mentalis. L'emoción es a menú asociá i considerá influencia recíprova con el humor, el temperamentu, la personalidad, la dihposición, i la motivación. También ehtá influenciña polas hormonas i los neurotransmisoris talis comu la dopamina, noradrenalina, serotonina, oxitocina, cortisol i GABA. L'emoción es a menú la juerça que lleva entre las motivacionis, positivas o negativas. Una definición alternativa d'emoción es una "experencia positiva o negativa qu'ehtá asociá con un patrón particular d'actividad fisiológica. "

La fisiología l'emoción ehtá ehtrechamenti relacioná con l'excitación del sihtema nerviosu con varius ehtaus i juerças d'excitación que se relacionan, aparentementi, a emocionis particularis. Las emocionis son un ehtau compleju e sentimientus que resultan en cambius síquicos i fisiológicos qu'influencian el nuehtru comportamientu. Aquellus qu'actuan principalmenti sobre l'emoción puría paezel comu que no ehtán pansaus, peru la cognición es un ahpectu importanti l'emoción, particularmenti l'interpretación d'eventus. Por ejemplu, l'experencia del mieu normalmenti resulta d'una amenaça. La cognición e peligru i la excitación subsecuenti del sihtema nerviosu (p. ej. latíu del coraçón y respiración rápios, suó, tensión muhcular) es un componenti integral a la interpretación subsecuenti i la traduzión de l'excitacióon en un ehtau emocional. La emoción ehtá tamién ligá a la tendencia e comportamientu. La gente extrovertía es más propensa a sel social i a expresal las sus emocionis, mientras que la gente introvertía es más propensa a nosel social ni a expresar las sus emocionis.

L'invehtigación sobri l'emoción s'ai incrementau significativamenti durante las dos décadas pasás con una jartá e campus contribuyendu comu sicología, neurocencia, endocrinologia, melecina, hihtoria, sociologia, e inclusu l'informática. Las numorosas teorías qu'intentan esplical la nacencia, neurobiologia, experencia, i función e las emocionis solu ain fomentau una invehtigación más intensa d'ehte tema. Las actualis áreas d'invehtigación en el conceptu d'emoción incluin el desarrollu de materialis qu'ehtimulin i consigan emocionis. Además los ehcáneris PET i los ehcáneris fMRI ayúan al ehtudiu los procesus afehtivus en el cerebru.