Diferencia entre revisiones de «Radioatividá»

[[File:Alfa beta gamma radiation.svg|200 px|thumb|right|Crassis de radiacion i holmas de detené-la.]]

Tamien lo poemus definil como un fenómenu físicu natural, por el cual angunos cuelpus o elementus químicus llamaus radiativus, emitin radiacionis que tienin la propieá d'enpresional placas fotográficas, ionizal gasis, proucil fluorescencia, atravesal cuelpus opacus a la lus ordinaria, etc. Debiu a essa capaciá se les sueli denominal radiacionis ionizantis (en contrasti conas no ionizantis). Las radiacionis emitias puein sel electromanéticas, en holma de rayus X o rayus gamma, o bien corpuscularis, como puein sel núcleus de Heliu, eletronis o positronis, protonis u otras. En resumin, es un fenómenu que ocurri enos núcleus de ciertus elementus, que sonin capacis de transholmal-se en núcleus d'elementus d'otrus átomus.

La radiativiá es una propieá de los isótopus que sonin "inestablis". Es izil, que se mantienin en un estau escitau enas sus capas eletrónicas o nuclearis, con lo que pa arcançal el su estau hundamental ebin perdel energia. Lo hazin en emisionis electromanéticas o en emisionis de partículas con una determiná energia cinética. Esto se prouci variandu la energia de los sus eletronis (emitiendu rayus X), los sus nucleonis (rayu gamma) o variandu el isótopu (al emitil dende el núcleu electronis, positronis, neutronis, protonis o partículas mas pesás), i en várius pasus sucesivus, cono que un isótopu pesau puei terminal conviltiéndu-se en unu muchu mas ligeru, como el Uraniu que con el transcurril de los sigrus acaba conviltiéndu-se en plomu.