Espermatoddoidi

Un espermatoddoidi es una célula haploidi que costitúi el gametu masculinu enos animalis. La su función es encontral el gametu femeninu pa golvel a jormal una célula diploidi cona que se jormará un endividuu nuevu.

Micrografía d'un espermatoddoidi fecundandu un óvulu.

L'espermatoddoidi humanu, de tipu flageláu y modificáu, tieni dos partis, la cabeza y el rabu. La cabeza contieni los cromosomas, mentris que'l servimientu del rabu es dal movimientu. Hain dos tipus d'espermatoddoidis en el reinu animal. Los flageláus son los que tienin rabu, comu los humanus, pero tamién essistin los no flageláus, sin rabu. Endrentu de los flageláus, amás, están los primitivus y los modificáus. Los primitivus son más simpris.

Ena aspeci humana, los espermatoddoidis se crían endrentu los testículus enos túbulus seminíferus. Las paeris d'estus túbulus están cubiertas d'[espermatogonia]]s que, por meiosis, se jaddin espermatoddoidis por mé d'un processu que se llama espermatogénesis. Comu los espermatoddoidis están mu especializáus y tola estrutura vali namás que pa aportal el material genéticu, se da en ellus un processu de diferenciación de grandi sinificancia, eliminandu la juerza los orgánulus que normalmenti hain en una célula y con diferencias ena juerza de los que quean.