Diferencia entre revisiones de «Reinu Uníu»

[[File:Palace.of.westminster.arp.jpg|thumb|right|250px|[[Paláciu de Westminster]]]]

La capital el Réinu Uniu de Gran Bretaña i Irlanda del Norti (''United kingdom of Great Britain and Northern Ireland'', en [[luenga ingresa|ingrés]]) es [[Londri]] (14.945.000 ab). S'alcuentra partiu en quatru territórius, regionis o tamien llamaus "paisis costituyentis": [[Ingalaterra]], [[Escócia]], [[Galis]] i [[Irlanda del Norti]], siendu la capital el estau tamien la d'Ingalaterra. Las otras regionis tienin assitiás las sus capitalis en [[Edimburgu]], [[Cardiff]] i [[Belfast]] respetivamenti. Toas tienin una cierta autonomia, siendu mayol ésta nel territóriu del norti d'Irlanda.

Escócia i Ingalaterra án essistiu comu entiais desapartás enque unificás dende el sigru X. Galis baju control ingrés dende l'[[Estatutu de Rhunddlan]] en [[1284]] se hizu parti del Réinu d'Ingalaterra pola Acta d'Union de 1536. Con l'Acta d'Union de 1707, los réinus desapartaus d'Ingalaterra i [[Reinu d'Escocia|Escócia]], uviendu conpartiu el mesmu monarca dende 1603, concordarun una union premanenti comu el Réinu Uniu de Gran Bretaña. Estu ocurrió en un tiempu quandu Escócia estava ena ruina económica.

[[Acta d'Union (1800)|L'Act of Union]] (Acta d'Union nombri original n'inglés) de 1800 uñió el réinu de Gran Bretaña con el [[Reinu d'Irlanda|réinu d'Irlanda]], que via caiu gradualmenti baju control británicu entre 1169 i 1691, pa hormal el Réinu Uniu de Gran Bretaña i Irlanda. Ésta tamien hue una decision inpopulal, llevandu-se a cabu justu endespues de la infructuosa Rebelion de los Irlandesis Unius de 1798. L'ocasion ligia pa esta union, quandu se temió una intervencion o invasion napoleónica, hue devia predominantementi a pobremas de segurança.

En 1922, tras amargas luchis que hazin ecu ena ogañu corrienti política, el Tratau anglu-irlandés partió Irlanda nel [[Estau Libri Irlandés]] i [[Irlanda del Norti]], cona última parti premanenti el Réinu Uniu. Como se aprevó nel tratau, [[Irlanda del Norti]], que consisti de seis de los nuevi condalgus la província irlandesa d'[[Província d'Ulster|Ulster]], imediatamenti optó por salil del Libri Estau i premanecel nel Reinu Uniu. La nomencratura del RU hue cambiá en 1927 pa reconocel la salia el alcuerdu la mayol parti d'[[Irlanda]], siendu adotau el nombri de Reinu Uníu de Gran Bretaña i Irlanda del Norti.