Diferencia entre revisiones de «Promu»

El '''plomu''' es un [[elementu químicu]] dela [[tabra periódica]], cuyu símbolu es Pb (del latín plumbum) i su númberu atómicu es 82 sigún la tabra atual, ya que nonu hormaba parti en la tabra periódica de Mendeleiev. Esti [[Química|químicu]] nu lu reconocía comu un elementu metálicu común pol su gran elasticida moleculal. Cabi destacal que la elasticida de esti elementu dependi dela [[temperatura]] ambienti, la qual extiendi sus átomus.

El plomu es un [[metal]] pesau de densida relativa o graveda específica 11,4 a 16 °C, de colol plateau con tonu azulau, que se empaña pa adquiril un [[colol]] gris mati. Es flexibli, inelásticu i se hundi con facilida. Su husión se produci a 327,4 °C i iervi a 1725 °C. Las valencias químicas normalis son 2 i 4. Es relativamenti resistenti al ataqui del áceu sulfúricu i del áceu clorídricu, anque se disuelvi con lentitu en áceu nítricu i anti la presencia de basis nitrogenas. El plomu es anfóteru, ya que horma salis de plomu de losdelos áceus, así comu salis metálicas del áceu plúmbicu. Tien la capacida de hormal muchas salis, óssius i compuestus organumetálicus.