Diferencia entre revisiones de «Lengua catalana»
Contenido eliminado Contenido añadido
Ampliación de información |
|||
Línia 39:
==== Espiença la descadencia ====
A caberus del siegru XV escomiença la descadencia estórica dela lengua catalana por mó duna haci de causas. La primerita es que en 1412 la Corona d'Aragón múa de governantis, agarrandu'l poel la casa Trastámara, una dinastía que, anque es castillana, respeta'l prestigiu'l catalán. No estanti, cona unión delas coronas d'Aragón i Castilla aluegu'l casamientu d'[[Isabel I|Isabel la Católica]] i [[Herrandu II|Herrandu II d'Aragón]] espiença'l castellaneu dela corti d'Aragón i del'aristocracia catalana. Ala ves, angunus escrivientis catalanis, atraíus pola literatura castillana'l siegru XVI, abandonarán el catalán i escomençarán a escrevil ena lengua de Castilla. En tercer lugal, la desparramancia dela empremiora, un enventu de rezién, hadrá que la huerça delas obras escritas nel mercau estén en castillanu. I pa arrematal con tó estu, nel siegru XVII Catalunya perdi las comarcas del Rosselló, el Vallespir, l'Alta Cerdanya i el Conflent, que quearán drentu de [[Francia]] i sufrirán un processu mu violentu d'acolturación i francesseu, en perdiendu-si quasi que por compretu'l catalán acullá los [[Pirineus]].
==== Las políticas contra'l catalán ====
Muchus académicus ain vistu los siegrus XVI, XVII i XVIII comu una epoca d'assoluta descadencia dela lengua catalana. Sin embargu, ai que corregil essa visual tan típica, pos anque es ciertu que la literatura catalana n'essus siegrus es escassa, la genti corrienti siguió palrandu-lu pandi era típicu hazé-lu (anque ya estava prebíu i presseguíu ena Cataluña Norti).
Nel añu 1700 estalla la Guerra de Sucessión entri los partidarius delos Borbonis i los partidarius delos Habsburg. La Corona d'Aragón afiará'l bandu delos "austrias", lucheandu contra los Borbonis i el su proyeutu centraleru, que quearía los territorius dela Corona d'Aragón sinas sus leis propias, entri otras cosas. En acabal la guerra, los Borbonis salin venceoris, i, en huendu mu vengarosus, tentarán desseguía d'acogotal los territorius que vían síu enemigus. L'añu 1715 el rei Helipi V aprueva los Decretus de Nueva Planta, una haci de leis orientás a eschorchal jurídicamenti los territorius dela Corona d'Aragón, achacinandu tamién los sus costumbris i lenguas. Catalunya, Valencia, las Balearis i Aragón se quearán sin derechu propiu i, en general, sin los llamaus "previlegius", qu'eran mu emportantis palas gentis d'aquel tiempu. El catalán desapareci dela vida púbrica, huendu sustituíu auténticamenti pol castillanu, nueva lengua del'almenistración púbrica, la justicia, l'enseñança, la Iglesia, etc. L'ojetivu eno tocanti ala lengua era liquiamenti sustituil el castillanu pol catalán ena sociedá catalana, valenciana, baleal... Helipi V mandó alos huncionarius castillanus qu'aballarun a Cataluña, Valencia, Mallorca, etc. "''[poner] el mayor cuidado en introducir la lengua castellana, a cuyo fin dará las providencias más templadas y disimuladas para que se consiga el efecto, sin que se note el cuidado."''
Toas las mediúras estas contra'l catalán no tuvun un efeutu imediatu, dau que la genti acontinó a habral la su lengua nativa, sin hazel muchu assuntu alas leis. Sin embargu, velaquí emprencipia'l henómenu de digrossia enos territorius catalanopalrantis dela península: el castillanu sedrá la lengua'l poel i la coltura, la lengua "deseabli", mentris que'l catalán sedrá la lengua'l puebru, una lengua de fabetus. Esta sitación, en pesal de tolos ententus por canteá-la, entovía dessisti ogañu, enque las hormas enas que s'espressa no son tan derechas i presenteras.
== Muestra testual ==
| |||