Diferencia entre revisiones de «Titu Líviu»

15 bytes añadidos ,  hace 12 años
sin resumen de edición
Líviu ubu nacéncia ena antígua ciá de Patauia (oi, [[Pádua]]) pal 59 e. C. Dalcuerdu con una escrición, su pairi hue Gayu. Lo mas siguru es que preteneciera a una família de quartus, quiziá de la crassi eqüestri, pos Patauia posseyia un gran númiru ciaanus ''equites'', hustu pombahu [[Roma]], en huendu una las ciais mas opulantis i notabris la epoca.
El previléhiu Pádua hizu que Líviu estuyara a lo primeru nella, aballandu endispués a [[Roma]] a compretal el su deprendizahi. Mas, es capás de bel diu pa [[Grécia]], andi prefecionaria la luenga griega i andi debatiria al tentu dotrus estoriaris cumu [[Tucídidi]] u hablatorishablaoris. Plontu arcançaria nombreria entri las corroblas enteletualis romanas i griegas, causandu almiración polos sus escritus.
 
Se convoó con Cásia Prima i ubu tres ihus, dos varonis i una hembra: Titu Líviu Longu, Titu Líviu Priscu i la iha que se casaria con el inlustri hablatolhablaol [[Lúciu Máhiu]]. Dellus, Líviu Priscu, el ihu mayol enfeneció enantis la mayoria eá.
 
El escrebieru la su obra se reparti entri Roma i Pádua, prencipalmenti ensotau ena redación la colossal ''Ab urbe condita''. El trebahu le hue possibri —sel escrebiol producia escassinus ganus— a la su condición familial. Pol mó dessa obra, hueraparti las sus dotis hablativas i delegáncia estilística consiguió fama pol tol empériu. [[Plíniu el Nuevu|Plíniu]] cuenta l’anégota de qu’un gaditanu bandeó meyu estau dendidende [[Gadi]] hata la [[Roma]] pa conocel a aquel autol que tantu le marabillaba. Otru ispanu que tamién lo almiraba muchu hue [[Séneca el Mayol]], pairi [[Séneca]] filósofu.
 
Ena su estáncia en Roma, plontinu entró en paláciu, hiziendu gavilla con [[Agustu]]. Esta amistá le benefició pressonal i laboralmenti, pos assina pia consiguil, amás, enteracionis i endirguis de defici acessu pal componieru la su obra estórica. Tamién huncheó al préncipi [[Claudiu]] a qu’escrebiera, con quien tamién ubu amistá.
L’obra está compuesta de 142 librus qu’escomiençan conos escurus i míticus oríhin Roma (753 sigún la cronolohia que da) hata la muerti [[Drusu]], helmanu el emperaol [[Tibériu]]. Estuvu a redautal esta obra, a lo menus, quarenta i cincu añus.
 
TraïcionalmentiTradicionalmenti s’á viniu deviyendu pol décaas, es izil, en hacis de dies librus (devisión decádica), palrándusi de ''primel décaa, segunda décaa, tercel décaa''. Otra olganización los librus que se da es en cincu en cincu (devisión pentádica), quiziá polos tiempus espubricación u polas leturas púbricas hechas de los mesmus. Con tó, Líviu nu tinia estaesti esquema ena cabeça sigún se ve nangunus prólogus i osselváncias, enas que palra de ''partes''.
 
Esta Estória s’escrebió dende el patriotismu i el nacionalismu. Es la primel obra estóriaestórica escrebia al mó los griegus, sin sel anal ninni biografia, con un estilu meyu. Nu sigui ni la postura arcaizanti de [[Tucídidi]] ni de [[Salústiu]], ni tapocu la redación crara, concissa i aticista la estória cesariana.
 
Nella s’alvierti l’oposición ''uirtus/uitium'', entendiendu cumu protagonista al própiu puebru romanu i caraiterizándusi pol tenel una conceción biolóhica el furrulaeru el empériu, huendu Roma cumu un elimentu vivu que naci, creci, se revién, se vícia i a lo úrtimu mueri. Esta almiración sedrá desarrollá mas tardinu pol otru estoriaol, [[Floru]].
 
Cumu autol nu romanu nacéncia, va debuhandu el conceutu ''romanitas'' qu’endispués estaria presenti notrus escrebioris emperialis.
 
Ena composición ''Ab urbe condita'', Líviu ehelci de compendiaol de tolos datus qu’abian dende los oríhin la ciá. Las huentis que gasta son mu variás: analis los antíguus estoriaoris, romanceru, puesia épica, obras autoris griegus tocantis a lo aconteciu enos territórius nu itálicus, trahédias ''[[fabula praetexta|praetextae]]'', autas (pontifícias, senatorialis), huentis hurídicas, escricionis, cerámicas, estautas i las enholmacionis de mas defici acessu que le prepolcionabapropolcionaba [[Agustu]]. Con tó i con essu, las enteracionis anterioris al sigru III e. C. se perdierun pol mó la envasión gala, assinque dessistin lagunas que de holma petusa Líviu quiel refrehal sigún las bichas popularis i de traïcióntradición oral, sin envental ná, namás asseñalandu que pol nu abel naina namás puei hechal manu destas estórias.
 
El pobrema la obra liviana es qu’era mu voluminosaveluminosa, mu costosa pal copiaeru i de enteosu armacenamientu. Desti heitu, apaicierun plontinu resúmin, eicionis escolaris, passahis i pol estilu que facilitarun el su devurgaeru. El prencipal compéndiu que dessisti la obra Líviu son las denominás ''períocas'' u ''revruhus'', que huerun mu gastás ena Eá Meya. Las leturas abreviás Líviu hizun que se conselvara l’obra íntigra, ecetu los trenticincu primerus librus (mas de tres décaas) i tolo demás pol sumárius, períocas u resúmin.
 
== Estilu ==
La prosa deleganti Líviu sigui en gran miia la de [[Cicerón]], anque s’alviertin ya rasgus el latín emperial, prencipalmenti ena sintassi. Amás, el grandol la su obra l’obrigaba a sel, nu ya variau nel tema, sinu nel escrebieru, de mó que la su prencipal caraiterística es la ''uariatio'' "variación" que s’alvierti ena sintassi, nel estilu (gastandu tolas possibiliais la luenga ena esposición los endirgus) i ena composición (deferentis rimus narrativus, dramatismu, ohetivismu, halta enholmación). Líviu precura sel ohetivu i, anque haga referéncia de notícias pocu verissímilis, critica quantis que puei las envencionis i ficionis i otras asseñalandu que la halta datus le lleva a nu puel afilmal nin referil naina.
 
3098

ediciones