Diferencia entre revisiones de «Ufrati»

Contenido eliminado Contenido añadido
Tiu Fraili (carava | Contribucionis)
Sin resumen de edición
Tiu Fraili (carava | Contribucionis)
Sin resumen de edición
Línia 3:
== Via ==
Pocas son las enteracionis tocantis a la su via. Los testimoñus que palran a tentu del lugal d’origin desti filósofu son enreosus. Filostratu dis que era de pa [[Tiru]]<ref>Philostr., ''VS'', I 7; ''VA'', I 13.</ref> mentris que Estéfanu dis sel de pa Pifania, en [[Síria]]<ref>St. Byz, ''E.''</ref>.
 
Los datus mas albondosus procein del epistológrafu [[Plíniu el Nuevu]]<ref>Plin., ''Ep.'' I 10</ref>, en una carta que manda a su amigu Átiu Clementi, ena que lo ahinchona a ascuchal a Ufrati. Pol mó desta carta sabemus que [[Plíniu el Nuevu|Plíniu]] conoció a Ufrati en estuviendu en [[Síria]] al selvíciu melital.
 
El su señol era el políticu [[Pompeyu Julianu]]. Tuvu tres ijus, dos machus i una hembra, a cuyus dos machus precuró endilgal de la mejol manera.
 
Ena descrición que hazi, lo retrata comu un ombri altu, barbú, pero arriscau. El su caraiti no era escabriosu, ni rúspiru, tolo contráriu, era duci i respetuosu cona genti.
 
Era mu nombrau pol sel mu güen habraol i polos sus consejus. Alospués el própiu [[Plíniu el Nuevu|Plíniu]] se consejó de Ufrati, comu asseñala enas sus cartas<ref>Ibidem, I 10 10.</ref>.
 
Hue descípulu del filósofu [[Musóniu Rufu]], tamién estoicu, enque tamién tuvu emfrujus de la filosofía cínica. Anduvu deprendiendu ena su tierra i pa [[Roma]] mas tardi, dandi lo avientarun en el 93 pol ordin de [[Domicianu]]. Alospués golvió, quandu [[Nerva]]. Murió nel 119.
 
== Pensaeru ==
El su pensaeru está atijau al estoicismu que empartia [[Musóniu Rufu]], ena línia dotrus filósofus estoicus comu [[Rústicu]] u [[Epitetu]], quien ya cuentavan con cierta emfrujéncia cínica. Pa Ufrati, lo corretu no es aguarreal a los ombris, ni castigal a los que se enquivocan, sino corrigilus, pensamientu tamién desarrollau pol [[Marcu Uréliu]] enos sus ''Revacaerus''.
 
[[Epitetu]] lo mientan angunas vezis enos sus escritus, lo mesmu que [[Plíniu el Nuevu|Plíniu]], pola su sabiuria i güena hablatória.