Internet

Internet es un conjuntu descentralizau de redis de comunicacion interconectás que gastan la família de protocolus TCP/IP, garantiçandu que las redis físicas eterogéneas que la componin huncionin comu una redi lógica única, d'arcançi mundial. Los sus orígenis se remontan a 1969, quandu s'estableció la primera conesion de computaoras, conocia comu ARPANET, entri tres univelsiais en California i una en Utah, enos Estaus Unius.

Unu de los servicius que mas éssitu á teniu en Internet á siu la World Wide Web (WWW, o "la Web"), hata un puntu qu'es corrienti la confusion entri ambus télminus. La WWW es un conjuntu de protocolus que premiti, de holma sencilla, la consulta remota d'archivus d'ipertestu. Esta hue un desarrollu posteriol (1990) i gasta Internet comu meyu de transmision.

Dessistin, polo tantu, albondu servicius i protocolus en Internet, amás de la Web: el envíu de correu eletrónicu (SMTP), la transmision d'archivus (FTP y P2P), las conversacionis en línia (IRC), la mensajeria enstantánia i presencia, la transmision de conteniu i comunicacion multimeya -telefonia (VoIP), telivisión (IPTV)-, los boletinis eletrónicus (NNTP), el acessu remotu a otrus dispositivus (SSH i Telnet) o los juegus en línia.