Diferencia entre revisiones de «Wikipedia n'estremeñu»

La '''Wikipedia en estremeñu''', conocia como '''Güiquipeya''' es la version la ciclopédia libri [[Wikipedia]] en [[luenga estremeña]]. Güiquipeya s'escrebi de manera colaborativa pol mé voluntárius, premitiendu que los endirguis seyan moificaus pol qualquiel pressona con acessu pol mé dun escrucaol web. El proyeutu tuvu nacéncia el 24 Jeneru 2007, hundá pol [[Angi Ronceru]], enque no sedria hata el 26 Mayu 2008 quandu el proyeutu sedria muau al su própiu domiñu. Nesta web se trata de dal a conocel [[Estremaura]] i el mundu pol mé las sus luengas, tomandu comu basi la Güiquipeya en artustremeñu.

 

El lema la Güiquipeya es «Si tienis conocéncia de la tu curtura, pol qué no la tienis de la tu palra?», i puemus descrebila comu «un girón pa destribuil la conocéncia la realiá estremeña ena su própia palra, ena que tolos estremeñus puean colaboral, tantu ena su espansión, comu nel crecimientu el parabreru estremeñu pa consiguil concencialmus de qu'abemus derechu de palral en estremeñu».

 

Güiquipeya tien un haci políticas qu'estruca qué enholmación s'ebi encruil u no. Estas políticas se gastan pa resorvel pobremas al tentu añición, revisión, muación u esborri endirguis.

 

En Güiquipeya qualquiel pressona puei crial un endirgui nuevu en [[luenga estremeña|estremeñu]] i mesmu quasique qualquiel vesitanti puei eital el continiu, ecetu los endirguis que s'alcuentrin protegius. Esti proyeutu hue criau cona idea de que la colaboración entri usuárius pola mejora dun endirgui pol un tiempu produzirá testus de caliá, aspécii los proyeutus desarrollu apricacionis libris.

Los endirguis volucionan a través del tiempu i estu es viseru nel su estorial eicionis. Avezis, se dan chascus en que pressonas entran ena Güiqui con el fin de molestal, produjiéndusi vandalismus i guerras d'eicionis, si alcuentras angún artículu en mal estau, pega un escarpiu a angún [[Güiquipeya:Çahoril|çahoril]].

 

* Debiu a la divelsiá i númiru participantis i ideologias, Güiquipeya trata de costruil los sus endirguis de la holma mas essaustiva posibri. El ojetivu no es escrebil endirguis dende un puntu vista, sino presental abiertamenti ca postura al tentu un tema concretu.

 

* Dessistin un númiru temas que son hundeaus ahuera la Güiquipeya pol no sel enciclopédicus estritamenti palrandu. Pol ejempru, Güiquipeya no contién definicionis dicionárius (comu verbus, aljetivus...).

 

Es común qu'angunas pressonas se vaigan enfurruscás pol ideologias políticas u puntus de vista deferentis u que contrachocan conas sus opinionis. Velaí la razón pola que Güiquipeya creci, grácias a los gironis pol enhiestal una nutraliá nel conocieru.

 

Es emportanti sabel i conocel que naidi es dueñu de dengún endirgui espuestu ena Güiquipeya.

 

Los colaboraoris la Güiquipeya atuan de continu de holma voluntária. Ain várias holmas colaboración amás de crial u amprial endirguis: se puein aprical las convencionis d'estilu establecias p'aquellus endirguis que no las tienin, assitialus pol matéria, corrigil haltas ortografia, hundeal testus con ''copyright''...

 

Pa colaboral no es mestel rustrilsi, enque a los usuárius que no lo hazin se les atarugan ciertas acionis, comu votal ena toma decisionis. Angunus colaboraoris tienin la albeliá d'aconllegal angunas operacionis hueraparti, comu el esborrau d'endirguis, el atarugu páginas i tal i más. Sin embargu, estus usuárius no tienin capaciá de decisión mayol que la de qualquiel algotra pressona, i las sus aicionis s'ebin recinchal a las políticas adotás pol tola comuniá.

 

 

[[Category:Güiquipeyas]]

[[es:Wikipedia en extremeño]]

[[eu:Extremadurerazko Wikipedia]]

[[la:Vicipaedia Extrematurensis]]