|
'''Bienviniu a la zona e prebas!''' Esta páhina sirvi pa que hagas tolas prebas d´eición que te seyan mestel. Preba aquí las tus albeliais ena eición de páhinas güiqui. Pa eital, pulsa ena pestaña «eital» ena parti superiol de la páhina, has cualisquiel chambu ena caha e testu i alogu pulsa nel botón «Emburacal páhina» cuandu aigas terminau. Ya que estu es una zona e prebas, las eicionis u comentarius aquí escrebius nu sedrán permanentis.
''Nesezitas ayua?'' [[AyúaAyua|PulsaPursa aquí]]
----
== Eita a partil d´aquí ==
Valli’l Jerti (Vayi’l Jerti):
Valli’l Jerti
Télminus municipalis de la cumalca Valli’l Jerti.]]
Pueblación: 11.061 abi.
Superfici: 372,73 km²
Densiá: 29,67 abi./km²
Localiá estacá pola su mayol:
Pueblación: Cabizuela’l Valli
Superfici: Tonnavaca
Densiá: Cabreru
Municipius de la cumalca
Municipiu Pueblación km² abi/km²
Barráu
507 19 27
Cabizuela’l Valli
2.173 57 38
Cabreru
372 7 56
Cas del Castañal
652 25 26
El Tonnu
938 22 42
Jerti
1.313 59 22
Navalconceju
2.081 51,4 40,4
Pionnal
1.175 36 42
Rebollal
227 11,63 19,52
Tonnavaca
1.255 76,6 16,38
Valdastilla
368 8,1 45,43
Tutalis 11.061 372,73 29,67
El Valli’l Jerti é una cumalca de la Comuniá Autónoma d’Estremaúra (España) situá ena Provincia de Cazri. La su capital, comu cientru alministrativu, é’l municipiu de Jerti.
Tá situá nel su estremu ñororiental y linda al Ñorti colas provincias d’Ávila y Salamanca, al Oesti cola cumalca’l Ambros, po’l Sul cola ciá Placencia y al Esti cola cumalca la Vera.
Tabla calteníus
[ocultal]
• 1 Etimología
• 2 Lista Municipius de la Cumalca "Valli’l Jerti"
• 3 El meyu jísicu
o 3.1 Geología y relievi
o 3.2 Suelus
o 3.3 Redi idrográfica
• 4 Clima
• 5 Flora y vegetación
• 6 Pueblación
• 7 Economía
• 8 Artuestremeñu
• 9 Enladis d’Intrés
Etimología [eital]
El Valli’l Jerti jué cunocíu traicionalmenti, jasta l’úrtimu terciu’l siglu XX, comu Valli de Placencia. É a los árabis a quienis se les debi’l topónimu’l ríu y polo tantu tamién el de la cumalca. L’idrónimu Xerit se presta a una dobli intelpretancia etimológica, bien comu "ríu angostu", bien comu "ríu cristalinu". D’esta grafía más premitiva’l topónimu Xérit, s’a tomáu’l gentiliciu curtu: Valxeritensis, que s’altenna indistintamenti nel su usu colos más comunis de jerteñus, vallensis, o vallijerteñus.
Lista Municipius de la Cumalca "Valli’l Jerti" [eital]
• Barráu
• Cabizuela’l Valli
• Cabreru
• Cas del Castañal
• Jerti
• Navalconceju
• Pionnal
• Rebollal
• Tonnavaca
• Tonnu, El
• Valdastilla
El meyu jísicu [eital]
Geología y relievi [eital]
El Valli’l Jerti s’alcuentra enti dos yaris muntañosas: la Sierra de Tolmantus al sulesti y los muntis de Traslasierra al ñoroesti, ondi s’alcuentra’l puntu más artu la región, el Calviteru, cuya artura é de 2410m. Estas dos sierras, pretenecientis al Sistema Cientral costituin los sus límitis ñaturalis.
La jisionomía’l valli vié marcá pola desistencia d’una josa tettónica, desarrollá al través del úrtimu tramu la falla Alenteju-Placencia, que sigui la direción ÑE-SO. Tié una longitú aprosimá d’unus 70 km, dendi’l puettu Tonnavaca jasta l’esembocaúra’l ríu Jerti, que se pruci enas vegas del Alagón.
La roca preominanti é’l granitu, jormá pol un gran batolitu currispondienti al metamorjismu de jaci 350-200 millonis d’añus, ena orogenia ercínica. Jadi unus 40 millonis d’añus y a lo largu la orogenia alpina se prujun algotru tipu d’ajustis enas divelsas placas, cambiandu’l relievi de jorma mu signijicativa. El bordi S del Sistema Cientral ÑE, é una falla que juñi rocas cristalinas del sistema muntañosu colos sedimientus terciarius de la depresión del Taju. Los puettus que s’originun po’l movimientu los ivelsus bloquis sen enti otrus: Tonnavaca, Jondura, Rabanillu, San Gamellu, etc. Las fratturas delimitin los bloquis que, al ajundisi, originun josas comu los vidinus vallis de Tiétal, Tormis, etc.
La basculancia pa jacia el Ñ leudó bloquis y pruju nel Valli’l Jerti una curiosa desviación de muntañas, que tomin direción Ñ-SO. Iferenti a lo qu’ocurri ena Sierra de Greus y edilgandu origin d’esti mou a la su jisionomía attual.
Postrelmenti las jormas del relievi an recibíu retoquis propius de la influyencia’l graciarismu, enas cumbris y de las auguas d’escorrentía y prucesus de jielu-esjielu enas partis más bajas. Los graciaris nel S de Greus tuvun escasina importancia y, sarvu enas cumbris, nu s’a registráu la ación de la cuña’l jielu. Los cusus d’augua qu’esciendin las cimas, an cuntribuyíu a la moelación de las laeras, jormandu projundas gargantas, qu’otorgin al valli la su espedial cunfigurancia.
Suelus [eital]
L’esarrollu los suelus eájicus varía ensigún la cota. Nel pisu meyu nus alcuentremus con tierras pardas projundas. Costituyías pol suelus arinosus silícius, que se lisivian con jaciliá col usu agrícola. Nel pisu injeriol nus alcuentremus con suelus pardus francus projundus, silícius arinosus y arcillosus. En seyendu esti tipu suelus más attus pa’l usu agrícola, pesi a que puseyan un PH subáciu (5,5)
Redi idrográjica [eital]
La redi idrográjica, tributaria cuasi pol cumpletu’l ríu Jerti, s’alticula sin escesiva cumplejiá, jacilitáu pola simpliciá’l relievi, n’un valli típicu’n jorma de V, cunjormandu una redi fluvial de rápia evacuancia. Una parti la cumalca preteneci a la cuenca vertienti’l ríu Tiétal, cuncretamenti’l télminu municipal de Barráu y la metá’l de Pionnal
El ríu Jerti iscurri a lo largu d’unus 70 km aprosimamenti y esemboca nel ríu Alagón, qu’é a la su ves tributariu’l Taju. La su ñacencia se pruci enas cercanías de Tonnavaca, a unus 900 m d’artitú (cerca’l picu Torrión) y al su pasu pol Placencia lo jaci a unus 345m, lo que nus endilga iea de la su acientá cuenca n’esti tramu d’apenas unus 50 km.
Dendi la su ñacencia ena cabicera vallensi, va recugiendu las currientis que le aportin galgantas impoltantis cumu San Martín, Beceas, Papúos, Los Injiennus, Butris, Jondura, Puria, Bonal, etc. En días de chuvia intensa, sen mu abitualis las rápias crecías.
Clima [eital]
Las cundicionis climáticas del valli’l Jerti vien eterminás pol ivelsus jattoris que maticin el caráttel cuntinental que le currespondería. L’influyencia’l relievi y la su orientancia ÑE-SO, sen dos rajus qu’influin de jorma ecisiva enos valoris térmicus y pluviométricus. Los relievis muntañosus attúin de barrera e impín la penetrancia de currientis d’airi fríu prucientis del Ñ, amás cuntribuin al incrementu de los índicis pluviométricus, javoreciendu las precipitacionis del tipu orugrájicu, que sen originás po’l ascensu obrigáu de las masas d’airi, provocandu asina la cundensación de la su jumeá y la posteriol precipitancia. El gradienti artituinal tamién motiva cuntrastis térmicus y pluviométricus enti’l jondu’l valli y las cumbris. La pluviosiá aumenta al jadelu tamién la cota. L’orientación del valli permiti l’influyencia atlántica con inviennus moeramenti fríus y estíus nu escesivamenti calurosus.
Las precipitacionis meyas añualis oscilin enti los 800 y 1500 mm, tomandu cumu rijerencia l’estación meteorología de Barráu, a 800 m d’artitú.
La temperatura meya varía en junción de l’artitú, dendi las mínimas de 1-3ºC en Tonnavaca jasta los 5-10ºC de Placencia. Del mesmu mou lo jacin las másimas, dendi los 15-20ºC de Tonnavaca a los 25-30ºC de Placencia.
Flora y vegetación [eital]
Nel valli puen delimitasi cuatru pisus bioclimáticus o zonacionis artituinalis de vegetación.
Mesumeiterráñu (400-800m). La jormación más caratterística d’esta franja é l’encinal (Quercus ilex). Se trata de jormacionis adesás enas qu’apaecin abondus cantuesus, torviscus retamas, espinus albaris y jaras comu matorral preominanti, amás de pastizal sobri suelus arinosus. Tamién se puen alcuentral ñumirosus ejemplaris de quejigus.
Suprameiterráñu (800-1600m). L’especi preominanti é’l robli meloju (Quercus pyrenaica) jolmandu grandis bosquis, que cumplin una junción básica ena ritención y mijora de la capa eájica. N’esti pisu tamién apaedin castañus (Castanea sativa), jormandu bosquis o en piecis suertus, que suelin sel de gran envergaúra y antigüeá. A ellus se les sumin tejus, alisus, saudis, mairoñus chopus y abeúlis ispelsus enos caucis de dangunas galgantas.
Orumeiterráñu (1600-2200m) L’especi que preomina é’l pionnu sierranu, junta con pastizalis de gramínias enos clarus del matorral y ellí óndi’l suelu tá encharcáu sen caratterísticus los cervunalis, que sirvin d’agostaeru al ganáu.
Criorumeiterráñu (2200-2400m) Abundin los cervunalis y las praeras alpinas. Enos canchalis y roqueus creci una reucía peru peculial fauna rupícula y sen abitualis los líquenis silicícolas, los musgus y angunus jelechus de muntaña.
Vegetación de ribiera Sobri los suelus aluvialis del jondu las gargantas y’l ríu se jorman los abitualis bosquis riparius o de galerías, asociáus a esus cusus de augua o a tierrenus ondi la capa freática tá mu prósima a los jorizontis superficialis del suelu. Tán jormáus jundamentalmenti pol aliseas, mesclás con saucis, fresnus, alacranis, almecis, zarzas, espinus, rosalis silvestris y jelechus.
Eno que respetta a la vegetación agrícula caratterida y ripresenta a esti Valli la gran varieá d’arbus que tié, destacandu especialmenti: olivus, crezus, castañus y vidis.
Pueblación [eital]
El Valli’l Jerti tá jormáu pol onci municipius, agrupáus ena Mancomuniá de Municipius del Valli’l Jerti y que se ripartin de jolma esigual la pueblación vallensi, que costa d’alreol d’unus 11.000 abitantis: Barráu, El Tonnu, Rebollal, Cas del Castañal, Cabreru, Pionnal, Valdastilla, Navalconceju, Cabizuela’l Valli, Jerti y Tonnavaca.
S’an escalecíu algotras puebracionis qu’a lo largu l’estoria tamién jormun parti’l cunjuntu municipius: Asperilla, Ojalvu, Peñajorcá, Vaillu y Tabaris.
Al suloesti s’alcuentra la ciá Placencia, que si bien nu jorma palti jísicamenti’l propiu Valli, á siu traicionalmenti cunsierá cumu la su cabiza y mantié entavía oy un importanti pesu especíjicu’n cuantu a servicius y comu ñú de cumunicancias.
Economía [eital]
L’attiviá prouttiva prencipal de los jerteñus la costitui l’agricurtura y tié especial relevancia el curtivu’l crezu y la cumercialidación de la Creza’l Jerti enos mercáus d’España y de gran parti’l mundu, de mou que ripresenta la prencipal juenti económica’l Valli. La prución de crezas é mu grandi y d’una caliá estroldinaria, especialmenti la prución de crezas autóttonas, denominás picota. Esta gran proución de crezas á generáu tamién una industria d’estiláus ondi se prucin licoris y otra de mermelás de muncha varieá.
En cuanti a la industria la su presencia é minol y en gran meía cundicioná pola agricurtura, puestu qu’ena su mayoría se trata d’industrias trasjormaoras de los prouttus agrículas. Especialmenti impoltanti pa l’economía valxeritensi é l’Agrupación de Coperativas del Valli’l Jerti, la cual é una coperativa de sigundu ordin y aglutina coperativas agrarias de los onci pueblus del valli, asina comu argunas de la vicina cumalca La Vera. Al través d’ella se pusu en malcha la denominación d’origin Creza’l Jerti.
L’industria tamién tá presenti con argunas otras fábricas cumu la d’alabastrus ena localiá de Jerti.
Enos añus postrerus an proliferáu algotru tipu d’attiviais que poquinu a pocu van ivelsijicandu l’economía de las sus pueblacionis, especialmenti nel settol del turismu. Tolos pueblus cuentan con varius alojamientus ruralis.
Artuestremeñu [eital]
Nel Valli’l Jerti entavía se palra, prencipalmenti enti las presonas mayoris, una moaliá’l estremeñu, denomináu valxeritensi pol angunus investigaoris localis.
| 