Diferencia entre revisiones de «Francia»

| [[Lista de paisis por superfície|Posición 40ª]]<br />675 417 [[quilómetru cuadrau|km&sup2;]]<br />0,26%

| [[Lista e paísis por puebración|Puestu 26º]]<br />63 213 894 <br />93,59 ab/km&sup2;

| [[Produtu interiol brutu|PIB]]<br />&nbsp;- Total ([[2005]])<br />&nbsp;- PIB/capita || [[Lista e paísis por PIB|Posición 6ª]]<br />2.110.185 millonis e US$<br />33.918 US$

Es unu los miembrus hundaolis tantu e la Unión Uropea, del qu'es el pais mas cumpriu, comu de las Naciones Unias. Es claru qu'es miembru la Francofonia, del G8 i tamien de la Unión Latina. Es unu de los cincu paisis premanetis nel Conseju de Seguridá de las Nacionis Unias ena que amás tien derechu vetu. Fráncia tamien es una de las ochu potencias nuclearis reconecias nel mundu i unu e los paisis mas enfluyentis nel mundu la cultura i las artis. Nel campu los conocimientus assitia-se entri los paisis cabecera del mundu, siendu la univelsiá parisina de la Sorbona una de las mas antiguas d'Uropa i por muchu tiempu hue unu de los sus referentis culturalis inescusabilis.

Fráncia consta de dos zonas diferentis, dun cantu la Fráncia continental e 551.695 km² i dotru la Fráncia d'ultramar que suma un cumprimentu e 123.722 km². En total 675.417 km², lo qu'arrepresenta el 0,50% delas tierras emergias 'el planeta.

Hueraparti los Pirineus i los Alpes, dambus al sul, algotrus maciçus montañosus son El Jura (ena frontera con Suiza), las Ardenas, el Maciçu Central i la Cordillera e los Vosgos. El Mont Blanc enus Alpes con 4.808 metrus d'altura es la cumbri más alta d'Uropa occidental. El puntu más baheru 'el pais está nel delta 'el riu Ródanu: –2 m.

La cantidá e venaus i ciervus n'estau salvahi s'está incrementandu por mol de políticas orientás a esi obhetivu, amás se garantiça la proteción delas espécies autóctonas que non sean domésticas, cola creación e parquis i reservas naturalis, asin comu pola reintroducción e espécies que huerun esterminás nel pais comu l'osu pardu, el linci, el bisonti uropeu, el abutri leonau i el quebrantagüesus.

Los francus eran una tribu germánica, que quiciás hueran originárius de [[Poloña]] i que se mudarun pal oesti, enu que ogañu son los [[Paisis Bajus]]. A meyaus 'el sigru IV el emperaol romanu Julianu, pa pacifical esas tribus les dió la Galia i los francus s'icorporaun al empériu comu un aliau federau.

La dessisténcia real de Fráncia comuna entidadi desapartá escomienza cola división 'el impériu de Carlo Magnu nuna parti esti i notra oesti. Esi costau esti puedi sel considerau comu el escomienzu d'Alemaña, nu entantu el costau oesti comu Fráncia.

Los sucesoris de Carlo Magnu dirigirun el pais hata 987 quandu Hugu Capetu, Duqui e Fráncia i Condi e París hue coronau Rei e Fráncia. Los sus descendientis, la dinastia 'los Capetus dirihierun Fráncia asta 1789, quandu la Revolución Francesa enstaló una repúbrica.

Endespues de vários remuaerus el país llegó al sigru XX comun estáu en transición política constanti, pasandu vezis por diferentis rehimenis políticus. Con el estrumpiu la [[II Guerra Mundial|Segundera Guerra Mundial]] Alemaña declaró la guerra a Fráncia i envadió el país. Alú de 43 dias de runcha los francesis se rendiron i necesizarun la ayúa los Aliaus pa ahorral-se.