La chaquetía o chiquitía es, en Estremaúra la merienda que los días 1 o 2 noviembri se hazi en el campu i ena que se consumin frutus del tiempu comu higus passus, granás, nuezis, bellotas, castañas, o bien dulci de bembrillu i tamién tortas típicas, panis especialis. En muchus pueblus los zagalis salin a peíl esus produtus de casa en casa.

Es una tradición que se sigui realizandu en localidais delas comarcas d'Estremaúra comu Azauchal, Almendraleju, Calçaílla delos Barrus, Herrera del Duqui, Usagri, Puebla d'Alcocel, Coria, Moraleja o Méria. En el norti recibi tamién los nombris de chiquitía, calvochá o magostu. En muchus pueblus los zagalinus ván de casa en casa a cantal la canción:

Tía, tía, da-mi la chaquetía,que si no, no eris mi tía.