Iponati (en griegu Ἱππῶναξ, "caudillu caballus" n'estremeñu) hue un cantautol satíricu hóniu.

Via Edital

Iponati era natural la cia hónia d’Éfesu, pátria tamién d’Eráclitu i afroreció pa la segunda metá el sigru VI. Nolmalmenti se le mienta cumu Iponati d’Éfesu. Son nulas las enteracionis tocantis a la su via. Dalcuerdu cona opinión común, bia naciu en güena família, peru pol mó el soberanu Atenágora tuvu que dehuyil d’Éfesu pa buscal arriu enas Clazómenas. Estu veloquí lleva a pensal que la família Iponati huera del partiu contráriu u simprimenti inimiga el nuevu tiranu.

La situación nu sedria demaseau favorabri quandu plontu se vidu ena calli de pidiol. En estuviendu de méndigu tuvu que gandayeal, gandingueandu polas esquinas, cantandu pa puel vivil. S’inora la fecha la su muerti.

Obra Edital

El cantautol Iponati escrebió yambus bulronis i de guarreu, lo mesmu qu’Arquílocu i Semónidi, ara, mas mancornantis i rúspirus. Se conselvan angunus framentus largus i algotrus mas escachainus enos que, abati gañendu, se queha de la su situación probécia, piyendu pan, vinu i un berrendu pa tapalsi, groheándusi de la su própia mala fortuna con un ton mangalochanu, gastandu luenga la calli.

Abreviaturas Edital

Dalcuerdu con el Liddell-Scott, l’abreviatura qu’alcibi esti autol es la de Hippon., sigún el su nombri latinizau Hipponax.

Bibliografia Edital

  • Liddell H., G., Scott R., A Greek-English Lexicon, Oxford, 1996.
  • VV. AA., Antología de la poesía lírica griega, entrod. i trad. C. García Gual, Alianza, Mairil, 2001.