Peagi
S'anombra peagi al pagu que s'efetua pa puel gastal un caminu. Ena antigüeá, se llamaba portalgu a la suma qu'ebia pagalsi pa cruzal ciertu límiti (puerta) entri dos zonas territorialis.
Normalmenti s'asocia el concetu e peahi a la tasa que se cobra a los meyus de trasporti pol usal infraestruturas de comunicación; pol sabulugal autumóvilis pa puel circulal pol autupistas, que premitin un viahi mas liheru i con mas seguráncia que polas carreteras convencionalis.
El peahi se gasta pa financial la costrución d'infraestruturas de trasporti, cumu carreteras u puentis, sin usal dineru el Estau, que á siu recaudau cumu empuestus, de mó que solamenti pagan aquellus que gastan los peahis, i nu el restu los contribuyentis.
.jpg)
Normalmenti el peahi se paga enas estacionis de peahi de la autupista que se esté usandu, ya seya esti troncal u lateral (pa salil de la autupista), inque n'angunas autupistas, en determinaus tramus con muchu tránsitu desisti un sistema e peahi llamau telipeahi (en ingrés, Free Flow) que premiti pasal polas estacionis sin chegal a paral completamenti, u con otru sistema que premiti eliminal estas estacionis i con ellu transital pagandu una cifra pol quilómetru meyanti un sistema e pórticus i dispositivus istalaus enus veículus, lo que hazi que seya mestel tenel un aparatu OBE (On Board Equipment) pa circulal pola autupista.
Desistin varias crasis de peahi:
- Peahi abiertu: ca ciertu longol ai una caseta e peahi, ondi se paga una cantiá.
- Peahi afechau: al entral ena carretera e peahi, se arrecohi una tarheta i s'abona ena salia, sigún el longol recorriu, sin mas parás entelmeyas (cuandu se gasta el telepeahi nu s'arrecohi denguna tarheta, pos el aparatu s'encarga e rustril la entrá).
.jpg)
- Peahi anual: en angunus paisis, cumu en Suiça, los usuárius pagan anualmenti una cantiá, que s'acreita meyanti una pegatina nel parabrisas, que les premiti circulal pol tolas autupistas librimenti. Aquellus que solamenti la gastan ocasionalmenti, tienin que pagal la mesma cantiá.
- Peahi urbanu: Tasa que se cobra en angunas ciais, pol sabulugal Londris, a los veículus qu'entran nuna zona determiná.
Amas, desisti algotru meyu curiosu e financial las carreteras:
- Peahi ena sombra: costruyi i financia la autupista una impresa comercial i l'alministración paga el peahi e los veículus que circulan pol ella, de mó que se financia colos empuestus, peru s'evita el endeudamientu e la alministración a cortu praçu, inque la esperiencia endica que a largu praçu puei lleval a una quiebra económica.[1]
Iberuamérica Edital
En Arhentina, los peahis se hizun comunis enus añus 90, endrentu el pograma e privatización d'impresas púbricas, concesionis i rehorma el Estau, que llevó a cabu el gobiernu el presienti Carlos Menem. En coerencia con el restu e las políticas económicas el gobiernu, una tupa rutas nacionalis i provincialis huerun dás en concesión a impresas privás, cumu las Autupistas el Sol, las cualis istalun sistemas de telepeahi.