Extremoduro es un grupu de rock estremeñu, oriundu de Prasencia, ena província Caçris. El su hundaol, Roberto Iniesta es el únicu que á estau dendi la su hundacion en 1987. Los otros miembrus son Iñaki Antón, quitarrista i produtol vascu qu'entró en 1993, Miguel Colino, bajista, i José Ignacio Cantera, bateria.

Extremoduro nel monicípiu mairileñu de Getafe

Enas sus letras tien mucha enportancia la poesia, considerandu-si Roberto Inista (escrevienti de tolas letras el grupu) a si mesmu comu poeta. Las letras palran al tentu amol, drogas o sessu, enque normalmenti no apaecin referéncias a la política, namás en anguna cancion apaecin críticas a la figuras el huncionariu prisionis i la policia. Amás destaca el gastaeru del castú en angunas las sus obras. Hueraparti, tamien ena su obra se hazin referéncias a Estremaúra, ya ena maqueta apaeci Extremaydura, ondi critican la halta oportuniais que ain pa los abitantis desta tierra i la ruraliá i abaldonu que paecin.

El caraiti transgresol la obra d'Extremoduro á hechu que las sus cancionis seyan censurás en angunus meius i las sus atuacionis vetás en varius ayuntamientus, comu ena su ciá d'origin, Prasencia.

Labutus Edital

  • Somos unos animales, 1991
  • Deltoya, 1992
  • ¿Dónde están mis amigos?, 1993
  • Rock transgresivo, 1994 (Espublicau originalmenti en 1989 con el entítulu Tú en tu casa, nosotros en la hoguera, remasteriçau i parcialmenti regrabau en 1994 pa golvel-si a espublical definitivamenti con esti entítulu i temas adicionalis)
  • Pedrá, 1995
  • Agíla, 1996
  • Iros todos a tomar por culo, 1997
  • Canciones prohibidas, 1998
  • Yo, minoría absoluta, 2002
  • Grandes éxitos y fracasos (Episodio I), 2004
  • Grandes éxitos y fracasos (Episodio II), 2004
  • Canciones sin voz, 2004
  • La ley innata, 2008
  • Material defectuoso, 2011
  • Para todos los públicos, 2013