Fotosíntesi

La fotosíntesi (del griegu antíguu φώτο [foto], "lus", i σύνθεσις [síntesi], "union") es la convelsion e nirgía luminosa en nirgía química establi, huendu el adenosín trifosfatu (ATP) la primel molécula ena que quea almacená essa nirgía química. Con posterioriá, el ATP se gasta pa sintetizal moléculas orgánicas de mayol estabiliá. Amás, s'ebi de tenel en cuenta que la via nel muestru praneta se mantieni hundamentalmenti grácias a la fotosíntesi que realizan las algas, nel meyu acuáticu, i las prantas, nel meyu terrestri, que tienin la capaciá de sintetizal matéria orgánica (enprescindibli pala constitucion los seris vivus) partiendu de la lus i la matéria inorgánica. Ca añu los organismus fotosintetizaoris fijan en holma de matéria orgánica alreol de 100.000 millonis de tonelás de carbonu.