Francisco Vera Fernández de Córdoba
 Esti artícalu no tien huentis ni referencias |
Francisco Vera Fernández de Córdoba (Alconchel, Badajós, 26 de hebreru de 1888-Buenos Aires, 31 de juliu de 1967) hue un sabiu estremeñu, matemáticu, filósofu, escreviol i estoriaol dela cencia.
| Francisco Vera Fernández de Córdoba | ||
|---|---|---|
.jpg) | ||
| Enhormación pressonal | ||
| Nacencia |
26 de febrero de 1888 Alconchel (España) | |
| Muerti |
31 de julio de 1967 (79 años) Buenos Aires (Argentina) | |
| Nacionalidá | Española | |
| Enhormación profissional | ||
| Oficiu | Matemáticu, teósofo, pediorista y estoriaol | |
Biografía
EditalTuvu la su nacencia en el lugal pacensi de Alconchel el 26 de hebreru de 1888. Jidu su bachilleratu en Baajó, y es por esu, velaí, que muchus de sus librus de relatus mienta escenas de esi Baajó de fin de siglu que tantu conociera, comu tamién jidu mesmamenti su paisanu y amigu Felipe Trigo que tamién jidu el su bachilleratu p'allí.[1]
Pa los estudius ena nuversidá marcha a Mairil. Y toma afición, comu tantus otrus espíritus progresistas del su tiempu, al Ateneo mairileñu. Entri abondus librus de la biblioteca gasta toas las horas que le vagan, y llega a tenel una gran cultura en tous los saberis.[1]
Esti ilustri estremeñu, matemáticu, periodista, funcionariu del Tribunal de Cuentas, filósofu y más que tou historiaol de cencias, estuvu, comu abondus otrus españolis, perseguíu por las sus ideas. Jue republicanu, masón y téosofu, amás de liberal; anque era toleranti y no gustaba de dogmas ni radicalismu.[2]
Tuvu muchus vínculus con su paisanu, tamién sabiu, matemático, astrónomu y téosofu Mario Roso de Luna. Se guardan muchas cartas de d'ambus dos.
Al irrumpil la Guerra Civil inventó un código criptográficu para el bandu republicanu. En 1939, se vio obligau al dil al exilio. Cruzó a pie la frontera con Francia. Asina mos lo cuenta una de las sus hijas: Salimos de Figueras hacia la frontera francesa por una carretera atestada de gente, vehículos, bultos, a veces bombardeados. Mi madre y mi hermana mayor consiguieron lugar en un auto. Mi padre, Chon y yo seguimos a pie y así, con una pequeña hija de cada mano, sin más equipaje que su talento, Francisco Vera cruzo la frontera del exilio.[1]
Endispués pasó por la República Dominicana y Colombia hasta asentalsi en la Argentina en 1944. Francisco Vera tieni escritus abondus librus, artículus, trabajus centíficus, relatus, etc. amás de su Historia de la Cencia.
Falleció en Buenos Aires el 31 de juliu de 1967. En 1988, Alconchel conmemoró el centenariu de la su nacencia, poniendu en valol su figura y tou su trabaju. El institutu lleva el su nombri, asina comu una plaza y otras cosas.[3]
Referencias
Edital- ↑ 1,0 1,1 1,2 Pecellín Lancharro, Manuel Francisco Vera, col. Biografías extremeñas. Diputación Provincial de Badajoz. 1988
- ↑ Francisco Vera. Archivo. Red de Bibliotecas de Extremadura
- ↑ Méndez, Juan Miguel. Diario Hoy, 25 julio, 2016
Datos: Q19704252
Multimedia: Francisco Vera / Q19704252
