Francisco de Orellana
Francisco de Orellana (Trujillu, 1511 – 1546) hue un esploraol i conquistaol estremeñu de la época de la coloniçacion española d'América. Participó ena conquista del empériu inca i, eno posteriol, hue nombrau gobernaol en deversas puebracionis. Al atrás de la cantiá de saqueus que derigió acia puebracionis nativas, se le consideró como unu los conquistaoris mas ricus de la época. En 1537 hundó la ciá de Guayaquil, la cual via siu destruia polos endígenas nativus en várias ocasionis i reassitiá por deferentis coloniçaoris españolis. Al añu siguienti recibió el títulu de Tenienti Gobernaol de Guayaquil. Alogu d'acabal la reconstrucion de la ciá ajiló pa Quitu i junta Gonzalo Pizarro organiçun una espedicion que terminaria con el descubrimientu del riu Amazonas.
Endespues de sobrevivil a la travesia del viaji pola Amazonia, golvió a España ondi hue acusau de traicion por cargus presentaus por Pizarro. Alugu de sel asueltu, organiçó otra espedicion, pero no contó con el capital ni cona aprevacion, por esta razon se dedicó a la pirateria i se derigió nuevamenti al Amazonas, ondi él i la huerça la su tripulacion espenun sin assitiamentu específicu a lo largu del riu. [1]