Gaspachu
| |
| Otrus nombris: | Capachu, engañabobus, engañapastol, engañaniñus' |
| Destribución | |
| |
| Crassificación científica | |
| Autol | |
| Linaeus, 1758 | |
| Estau de conservación | |
| Conservación deGaspachu | |
El gaspachu o gaspachi [ɡaʰˈpʰaʧʊ]~[ɡaʰˈpʰaʧɪ] (nom. cient. Caprimulgus europaeus) es un'avi dela familia delos caprimúlgidus que se destaca pol su comportamientu vespertinu i el son que hazi.
Sinonimia
EditalEl gaspachu tamién se mienta capachu, engañabobus, engañapastol i engañaniñus.
Descrición
EditalEsta avi es de grandol mediu, ancançandu entre los 24-28 cm de largu i los 52-59 cm. de remuecu alal.
El prumagi le premiti escamuflal-si mu bien entre la fusca, pos tien amarrón, brancu, gris i negru. El machu se destingui dela hembra delos más nuevus en que tien unas manchinas brancas enas alas i alos laus del rabu. Las alas i el rabu son largus i estrechus.
Lo mesmu que otras avis engañabobus, tien un picu cortu peru una boca grandi con bigotinus alos laus. Estu has que puea alimental-si duranti vuela al lubrihoscu.
Comportamientu
EditalLa su prencipal atividá se da al luscu-fuscu, pos es quandu sal del níu, cogi vuelu i cona boca abierta caça bichinus i mariposas. Tamién ena postura pega el su cantíu que tantu se destaca.
Los níus los aprepara en hoyinus sin covija, cerca de toconas i árvolis secus. La puesta es de mayu a juliu, pusiendu dos uevinus jaspeaus canitus. La hembra es quien los cubri duranti 18 días i alogu de boqueronis los alimentan dambus a dos pairis. Al cabu la semana salin del níu, enque no s'alexan i al cabu de 17 días aburrin el níu[1].