Joana Vasconcelos (escoltora)
Joana Vasconcelos, (París, 8 de novembri del 1971) es una artista prástica portuguesa moerna, que vivi en Lisboa. Hue la primel mugel en esponel nel Palaciu de Versalles en el 2012.
| Joana Vasconcelos | ||
|---|---|---|
 | ||
| Enhormación pressonal | ||
| Nombre en portugués | Joana Baptista Vasconcelos | |
| Nacencia |
8 de noviembre de 1971 (53 años) París (Fráncia) | |
| Nacionalidá | Portuguesa | |
| Lengua materna | Portugués | |
| Educación | ||
| Educau en | Ar.Co | |
| Enhormación profissional | ||
| Oficiu | Artista visual, pintol, artista textil y diseñador de joyas | |
| Ária | Escultura, arte textil, joyería y diseño de joyas | |
| Sitiu web | www.joanavasconcelos.com | |
| Destincionis |
| |
Correúra profissional
EditalPossimenti trebaja cona escoltura i la estalación. La su obra mas anombrá Néctar, perteneci ala Coleción Berardo i se esponi nel Museu dela Coleción Berardo de Lisboa. Muchas delas sus obras están en colecionis privás en Uropa. Ena Bienal de Venecia nel 2005, hue l'artista representanti de Portugal col su trebaju La novia. Á ganau varius premius, encruyendu'l Concussu del Berardo Museum.[1]
En hebreru del 2008 inaguró Contaminación ena Pinacoteca de São Paulo, descrevíu comu un cuerpu de tecíus, de coloris, disformi i tentaculal.[2]
El trenta de juñu del 2009, una delas sus obras, titulá Coraçón d'oru endependienti se sobastó en Christie's por cientu noventa i dos mil eurus. La pieça hue vendía a un colecionista británicu alónimu, que la empresta al Museu Berardo de Lisboa.[1]
Nel añu 2012, espusu una descoja delas sus obras en el Palaciu de Versalles. Assina d'esti mou, hue la primel mugel artista en esponel las sus obras nesti palaciu barrocu. La esposición hue un déssitu pol grandi afielau qu'avía dentri l'ambienti estóricu del palaciu i las susprendentis obras de Vasconcelos, muchas d'ellas estalacionis con telas, prumas, çapatus imponentis hechus con caçuelas o figuras engüeltas nuna especii de fundas de ganchillu.[3]
En juñu del 2018, inaguró la esposición Joana Vasconcelos. Soy tu espejo nel Museu Guggenheim de Bilbau.[4][5]
Dentri las sus mejoris i mas anombrás obras están las siguientis:
- Flores do meu desejo.
- Cama Valium.
- Néctar.
- Ouro sobre azul.
- Independent Heart.
- A noiva, nel 2001.
- Santiago de Compostela (escoltura).
- WWW.Fatimashopping, nel 2002 (vidiu).
- Barco da Mariquinhas, nel 2002.
- Pega, nel 2002.
- Blup, nel 2002.
- Nécessaire, nel 2003.
- Filtra, nel 2003.
- Valquiria, nel 2004.
- Vigoroso e poderoso, nel 2006-2007.
- Madame du Barry, nel 2007, escoltura en cimentu, pintura d'acrílicu i algodón, ganchillu hechu a manu, altol 180 cm.
- Jóia do Tejo, nel 2008.
- Garden of Eden #2, nel 2009.
- Coraçón de Viana, una estalación de quatru metrus d'altol, hecha de cincu mil teneoris de prásticu de colol, que l'artista á doblau cona calol. Una vessión está disponibli en amarillu (restaurán Eleven en Lisboa), roxu (Museu d'Arti Moernu de Lussemburgu) i sotru en negru nel Museu d'Arti Moernu de Castilla i León.
- Una estrella de mar, coxín de ganchillu colgau ena paré del Museu de Serralves en Oportu.
- Egeria, dela serii Valquirias del 2018. Pieça hecha pal atriu del Museu Guggenheim de Bilbau pertenecienti ala esposición Soy tu espejo.[6] Es una obra de dos tonelás de pesu, hecha en ganchillu i telas bordás duranti dos añus en el tallel dela artista. Los ochu braçus se destiendin pol atriu del museu de quarenta metrus d'altol.[6][7]
Premius i reconocencias
Edital- Premiu Tabaqueira Fondu d'Arti Púbricu nel 2003.
- Ganó el concussu del Museu Colecção Berardo, aondi ain trebajus della abondu dendi entocis.
- Hue considerá la mejol artista del añu 2019 por angunus meyus de comunicación.
- Hue tamién condecorá cona Ordin delas Artis i las Letras de Francia, nel 2022.[8]
Referencias
Edital- ↑ 1,0 1,1 «Portugal ** & Museu Coleção Berardo, Joana Vasconcelos; Pollock; 2007 (369)». todocoleccion.net. Consultado el 19 de marçu del 2024.
- ↑ «Joana Vasconcelos abre su mayor exposición en Brasil». P55.ART. 24 de noviembre de 2023. Consultado el 19 de marçu del 2024.
- ↑ «Joana Vasconcelos. Soy tu espejo | Guggenheim Bilbao Museoa». www.guggenheim-bilbao.eus. Consultado el 19 de marçu del 2024.
- ↑ «Joana Vasconcelos se funde con el Guggenheim». ELMUNDO. 28 de junio de 2018. Consultado el 19 de marçu del 2024.
- ↑ «El Guggenheim inaugura una exposición de Joana Vasconcelos». EITB. Consultado el 19 de marçu del 2024.
- ↑ 6,0 6,1 Bono, Ferran (28 de junio de 2018). «Joana Vasconcelos feminiza el Guggenheim con su espectacular obra». El País. ISSN 1134-6582. Consultado el 19 de marçu del 2024.
- ↑ «Joana Vasconcelos se funde con el Guggenheim». ELMUNDO. 28 de junio de 2018. Consultado el 19 de marçu del 2024.
- ↑ «Joana Vasconcelos condecorada com Ordem das Artes e das Letras de França». Diário de Notícias (en portugués). Archivado desde el original el 19 de marzo de 2024. Consultado el 19 de marçu del 2024.
Biblografía
Edital- Le Fígaro, artícalu del unu de hebreru del 2008.
Atijus p'ahuera
Edital
En Commons ai conteníu multimedia sobre Joana Vasconcelos.- vidiu Guggenheim de Bilbau Soi el tu espeju 1.
- vidiu Guggenheim de Bilbau Soi el tu espeju 2.
- vidiu Guggenheim de Bilbau Soi el tu espeju 3.
- Sitiu web oficial Joana.
Datos: Q463908- Multimedia: Joana Vasconcelos / Q463908
