Led Zeppelin
Led Zeppelin hue un grupu ingrés de rock, considerau unu de los mas emportantis dessi géneru i unu de los mas popularis duranti la década de los setenta. Hue hundau en 1968 pol quitarrista Jimmy Page, quien bia preteneciu a The Yardbirds, al encluil ena su holmación a John Paul Jones comu bajista i teclista (al que Page conocia de trebajus anterioris con The Yardbirds), al vocalista Robert Plant i a John Bonham a la bateria (que bia coincidiu con Plant en The Band of Joy).
Led Zeppelin presentó elementus dun ampliu espetru d'enfluencias, comu el blues, el rock and roll, el soul, la música celta, la música india, l'árabi, el folk, i enclusu el country.
Mas de treinta añus endespues de la disgregacion de la banda en 1980, la música de Led Zeppelin continúa vendiéndu-se, desfruta duna ampria difusion radiofónica, i á demostrau sel una de las bandas mas enfluyentis ena música rock. Hata la fecha, á vendiu mas de 300 millonis d'álbumis nel mundu, encluius 111 millonis namás enos Estaus Unius,[1] i es la segundera banda con mas discus de diamanti (otorgaus ca dies millonis de ventas) de la estória de la música, namás por debaju de The Beatles los cualis cuentan con seis (The Beatles, The Beatles/1962-1966, The Beatles/1967-1970, Abbey Road, Sgt. Pepper's Lonely Hearts Club Band). Los discus con esta certificacion son: Box Set (dies millonis), Led Zeppelin II (doci millonis), Led Zeppelin IV (vintitrés millonis), Houses of the Holy (onci millonis) i Physical Graffiti (quinci millonis).
Miembrus
Edital- Robert Plant
- Jimmy Page
- John Paul Jones
- John Bonham
Discus
Edital- Led Zeppelin (1969)
- Led Zeppelin II (1969)
- Led Zeppelin III (1970)
- Untitled album commonly known as Led Zeppelin IV (1971)
- Houses of the Holy (1973)
- Physical Graffiti (1975)
- Presence (1976)
- In Through the Out Door (1979)
- Coda (1982)