Lei de restauramientu dela naturaleza
La lei de restauramientu dela naturaleza es una lei dela Unión Uropea aprebá'l 27 febreru 2024 pol Palramentu Uropeu[1]. Unu delos sus precursolis es César Luena, urodiputau del PSOE[2][3].
Esta lei precula reabilital lo menus el 20% delas zonas terrestris i marinas dela Unión Uropea pal 2030[1][4].
Angunas organiçacionis án mostrau trastaeru pola lei[5][6][7].
Antecedentis Edital
La Comisión Uropea adoptó la propuesta dela Lei de restauramientu dela naturaleza'l 22 de húniu de 2022[1][8]. Esta legislación está relacionada col Tratu Verdi Uropeu i l'Estrategia dela UE sobri la Biodiversiá[8].
La Comisión de meyuambienti del Palramentu Uropéu votó en húniu de 2023 contra una versión con enmiendas dela lei[9].
Aprebación Edital
La lei hue aprebá con 329 votus a favol, 275 en contra i 24 astencionis enel Palramentu Uropeu[4].
Meías Edital
Angunas delas meías son[10]:
- Elaboración de planis nacionalis de restauramientu.
- Identificación delas áreas que necessitan sel restauradas.
- Aplicación de meías para restaural las áreas degradás.
- Criación d'un fondu uropéu pala financiación del restauramientu.
Críticas Edital
Sigún AVA-ASAJA, la lei añadi restricionis alus produtoris uropeus, i estu tieni comu consequencia que'l setor agrariu uropeu perderá competitiviá respetu ala impoltacionis de tercerus países, que no tienin las mesmas dessigencias[11].
APAG Extremadura Asaja calificó la lei comu "una nueva mojá d'Uropa"[11].
José María Fresneda, presidenti d'ASAJA CLM dixu que "la lei es una declaración de guerra sin precedentis contra l'agricultura i la ganadería uropea"[11].
La Coordinadora de Organizaciones de Agricultores y Ganaderos (COAG) dixu qu'esta lei dexaría'l campu español i uropéu enas manus delas grandis corporacionis i fondus d'inversión[12]. Tamién ha critícau que no ha teníu'n quanta ala xenti del campu[12] i qu'acrece la carga almenistrativa sobri las producionis[12].
Vel tamién Edital
Huentis Edital
- ↑ 1,0 1,1 1,2 Aprobada la Ley de Restauración de la Naturaleza pese a la negativa de los agricultores
- ↑ El Parlamento Europeo ratifica la Ley de Restauración de la Naturaleza que parecía peligrar
- ↑ César Luena: “La Ley de Restauración de la Naturaleza es un avance histórico después de 70 años de políticas comunes”
- ↑ 4,0 4,1 ¿Qué persigue la Ley de Restauración de la Naturaleza? Los detalles de esta nueva norma europea
- ↑ ASAJA muestra su profunda preocupación y desacuerdo con la Ley de Restauración de la Naturaleza
- ↑ UATAE muestra su indignación con la aprobación de la Ley de Restauración de la Naturaleza
- ↑ APAG Extremadura Asaja considera que la Ley de Restauración de la Naturaleza de la UE es una "puñalada más" para el campo
- ↑ 8,0 8,1 La Comisión acoge con satisfacción el acuerdo entre el Parlamento Europeo y el Consejo sobre la Ley de Restauración de la Naturaleza
- ↑ UE | Rechazada la Ley de Restauración de la Naturaleza destinada a proteger la biodiversidad
- ↑ Se aprueba la Ley de Restauración de la Naturaleza: ¿cómo afectará al sector agrícola?
- ↑ 11,0 11,1 11,2 Arrecian las críticas a la Ley de Restauración de la Naturaleza: «Europa estrangula al campo», «sigue sin escuchar a los agricultores” o “una puñalada”
- ↑ 12,0 12,1 12,2 Ley de Restauración de la Naturaleza. Revista de prensa