Ludwig van Beethoven
Ludwig van Beethoven (16 diziembri de 1770 - 26 marçu de 1827), compositol alemán de Música clássica, arreparau cumu unu los mehoris de tolos tiempus. Es el prencipal preculsol la transición dendi el clasicismu pal romanticismu. Unu los sus labutus más conocius es la Novena Sinfonía, de la qu'una parti se gasta cumu inu la Unión Uropea.
| Ludwig van Beethoven | ||
|---|---|---|
 | ||
| Enhormación pressonal | ||
| Nacencia |
16 de diciembre de 1770 Bonn (Electorado de Colonia, Sacru Emperiu Romanu Germánicu) | |
| Muerti |
26 de marzo de 1827 Viena (Imperio austríaco) | |
| Causa de muerti | Cirrosis hepática | |
| Sepoltura | Cementerio central de Viena y cimetière de Währing (fr) | |
| Nacionalidá | Austríaca (desde 1822) | |
| Lengua materna | Alemán | |
| Familia | ||
| Pairis |
Johann van Beethoven Maria Magdalena van Beethoven | |
| Ijus | 0 | |
| Enhormación profissional | ||
| Oficiu | Componeol, pianista, director de orquesta, profesor de música, organista, virtuoso, improvisador, violinista y escrevienti | |
| Ária | Música crássica, sinfonía, cuarteto de cuerda, música de cámara, canción popular, Trío de cuerda, ópera, música e interpretación de piano | |
| Añus ativu | 1782-1827 | |
| Movimientu | Clasicismo y Romanticismo | |
| Estrumentu | Pianu y violín | |
| Sitiu web | www.beethoven.de | |
| Destincionis |
| |
| Firma |
 | |
Tuvu nacencia en Diciembri el 1770 ena ciá alemana de Bonn, nel senu duna família umirdi; nu sabemus el día essatu. Dendi nuevu se daleó pala música. A los 8 añus dio el su primel conciertu pianu i a los 11 era violinista nuna orquesta teatru. A los 13 lo nombrarun maestru ólganu la ilésia.
El acaberu la su vía lo passó arrutau pol mochi. Espenó con 57 añus en Viena puna numonia.
Labutu
Edital
El listau de compusicionis de Beethoven es mu abonda. Puemus destacal:
- 9 sinfonias
- 5 conciertus pa pianu
- 1 conciertu pa violín
- 1 conciertu tripri pa violín, violonchelu i pianu
- 32 sonatas pa pianu
- 16 quartetus de cuerda
- La Misa Soleni
- L'ópera Fidéliu
El su labutu se puei suçalachal en tres periodus:
- Periodu 1770-1800: previvéncia las holmas crássicas.
- Nel acaberu el 1800, los sus labutus nu se destinguin, holmalmenti, de las de Haydn i Mozart, ara que tiei angunus mu orihinalis; los labutus más destacabris son las primeras sonatas pa pianu, los dos primerus conciertus pa pianu i orquesta, la Primel Sinfonia, los cuartetus opus 18 i el famosu Setetu opus 20. Pal acaberu desta epoca tiei manifestáncia la su sordera, qu'acabiha pol gorvelsi total.
- Periodu 1801-1814: Continius espresivus densus i cámbeus huertis de tonaliá.
- Ena segunda epoca reholma la estrutura crássica la sinfonía, chambandu el minuet pun scherzo que premitiera una mayol libertá ena compusición. Es el momentu las sinfonias Tercel pala Otava, del su conciertu pa violín, de los tres úrtimus pa pianu i orquesta, de los tres quartetus Rassumovski, opus 59, i de l’ópera Fidelio. Desta epoca son tamién angunas de las sus sonatas mas famosas: L'Apassioná, opus 57, pa pianu i la Sonata pa Kreutzer, opus 47, pa violín i pianu.
- Periodu 1815-1827: Rondamenti libertá melódica i holmal.
- Ena úrtima fasi la su vía, cria las úrtimas sonatas pa pianu, cumu la Hammerklavier, opus 106, los úrtimus cuartetus, la Gran Huitiva pa cuerda, opus 133, la Misa Soleni en re mayol i la Novena Sinfonia, ena úrtima movición de la quala cola, pol primel vezi, la vozi umana (con testu de Schiller). La su enfruéncia sobri heneracionis huturas hue inestimabri, pus prevocó la tresholmación la música ociental, de la quala es, quiziá, el compositol más representativu .
Murtimeya
Edital
5ª Sinfonia (detallis · ayua)
Primel movimientu
5ª Sinfonia (detallis · ayua)
Segunderu movimientu
5ª Sinfonia (detallis · ayua)
Tercel movimientu
5ª Sinfonia (detallis · ayua)
Cuartu movimientu
Atijus
Edital
En Commons ai conteníu multimedia sobre Ludwig van Beethoven.
