Luenga estónia

La lengua estoña (eesti keel) es una luenga finu-ugria palrá por alreol de 1.100.000 pressonas qu'ena su mayol parti vivin en Estoña.

Estoñu / Estoniu
eesti keel
Cartel de carretera n'estoñu
Palrau en	Estoña / Estonia Letoña / Letonia
Palrantis	1 110 000Prantilla:DesplegablePrantilla:Desplegable
Familia	Urálica
Dialetus	Estoñu'l sul Estoñu'l norti
Escreviúra	Alfabetu estoñu
Estatus oficial
Oficial en	Estoña Uñón Uropea
Reglau por	Estetutu dela Idioma Estoña / Eesti Keele Instituut (semioficial)
Códigus / Cóigus
ISO 639-1	et
ISO 639-2	est
ISO 639-3	est
Destensión del estoñu

L'estoñu no está emparentáu con denguna delas sus lenguas vezinas, letón o lituanu, las qualis sonin luengas bálticas, sinu col finés, palráu al otru láu del golfu de Finlandia, i tamién, anque mu lejanamenti, col húngaru. Está tamién estrechamenti emparentáu con luengas vezinas con poquinus palrantis cumu el vepsu u el livoniu. Sin bargu, a pesal dela creyencia d'angunus, los dialetus del estoñu del norti no sonin lo bastanti autáus al finés comu pa premitil que s'entiendan ellus i ellus.

Caraitirísticas

Una delas caraitirísticas destintivas del estoñu, compartía namás con angunas delas luengas vezinas con poquinus palrantis almientás, es que los fonemas que gastan puein contal con tres deferentis gráus de cantiá u destensión: fonemas brevis, largus i supilargus (nel casu d'angunas consonantis, se podría palral de geminás i supigeminás). La deferencia entri los fonemas largus i los supilargus está lo mesmu ena su acentuación comu ena su prolongación. Sin bargu, no se hazi destinción entri fonemas largus i supilargus en estoñu escrevíu. Por exempru, lina quedría izil "mantel", linna (prenunciáu con n geminá) sedría "del puebru" (genitivu de linn) i linna (prenunciáu con n supigeminá) sedría "al puebru" (ilativu de linn). Igualmenti, sada, con vocal brevi, quedría izil "cien" i saada, con vocal larga, sedría "consigui", "acibi" (imperativu), mentris que saada, con vocal supilarga, sedría "consiguil" u "acibil" (enfinitivu).