Güiquipeya

Mari Bálticu

El mari Bálticu es un mari interiol d'agua salobri al norti d'Uropa, abiertu al mari del Norti i, finalmenti, al océanu Atlánticu a través delos estrechonis de Kattegat i Skagerrak. Los paísis que lo arrodean son (empeçandu pola península escandinava i ensiguiendu en sentíu orariu): Suecia, Finlandia, Rusia, Estoña, Letoña, Lituaña, Poloña, Alemaña i Dinamarca[1].

Puesta dol enas costas del Bálticu
Costas del Bálticu

Su supeffici es de 432 800 km² i encruyi dos grandis golfus: el golfu de Finlandia, entri el sul desti país i Estoña, i el golfu de Botnia, entri la costa oriental de Suecia i el ocidental de Finlandia. Geológicamenti es mu jovin: so desisti dendi el VI mileniu a. C. Es mu pocu hondu (la meya es de 57 metrus; la hondura mássima es de 459 metrus al norti dela isla sueca de Gotland), lo que, juntu ala poca apertura al océanu, hazi la renovación delas aguas mu lenta i favoreci los poblemas de contaminación. Las mareas son de mu pequeña amplitú.

El Bálticu es tamién el mayol depósitu d'ámbar del mundu i, amás, su calidá es delas mejoris: delos venti depósitus del mundu que ai d'ámbar, se izi qu'el del Bálticu solu es superau polos de Méxicu i la Repúbrica Dominicana, siendu el que más ámbar de conífera produci i el de mejol calidá. Del s'estraen de 500 a 800 millones de tonelás d'ámbar.

La cuenca que drena al Bálticu abarca la totalidá dalgunus paísis ribereñus comu las repúblicas bálticas, Poloña i la región rusa de Kaliningrau. Amás, estus ríus nacin en, o atraviesan territorius pertenecientis a otrus paísis que, a pesar de no tenel costas, comunican-si al mari pol vía fluvial. Tal es el casu de la Repúbrica Checa, Eslovaquia, Ucrania i Bielorrusia, qu'acaban aportandu agua (indiretamenti) al Bálticu.

Etimología

Edital

Nombri notrus idiomas

El Bálticu recibí diferentis denominacionis dependiendu dela lengua: • Mal Bálticu es la forma abitual gastá enas lenguas románicas, las eslavas (polacu, rusu, casubianu), las bálticas i el ingrés. Asina: • Bôłt (casubianu). • Baltijas jūra (letón). • Baltijos jūra (lituanu). • Morze Bałtyckie o Bałtyk (polacu). • Балтийское море, Baltískoie More (rusu). • Mari del Esti es comu se denomina en tolas lenguas germánicas salvu el ingrés, amás del finés (ya que inque sus hablantis se sitúan mayoritariamenti al oesti del mal, estuvierun baju dominiu suecu duranti muchus siglus, i dendi la perspetiva sueca el mari sí que quea al esti). Assina: • Ostsee (alemán). • Østersøen (danés). • Itämeri (finés). • Östersjön (suecu). • Mal del Oesti es el nombri que se le da en Estonia: • Läänemeri (estoniu).

Estoria

Edital
 
La batalla naval del Sund tuvu lugal el 8 de noviembri de 1658 duranti la guerra suecu-danesa.
 
Puesta dol enas costas del Bálticu

En tiempus del Imperiu romanu, el Bálticu yera conoçíu comu el Mare Suebicum o Mare Sarmaticum. Tácitu descrebió la Mare Suebicum, llamau assina polos suevus (Suebi). Los suevus acabun emigrandu al suroesti pa residil porun tiempu ena çona de Renania de l'Alemaña moerna, ondi el su nombri sobrevivi ena región estórica conocía comu Suabia. Jordanes lo mentó «Mal germánicu» ena su obra, la Getica.

Dendi l'época delos viquingus, los escandinavus l'an llamau Austmarr («Lagu del Esti»). El «mari del Esti» aopaeci ena Heimskringla, i Eystra salt nel Sörla þáttr. Sajón Gramáticu registra en Gesta Danorum un nombri más antigu, "Gandvik"; el sufiju nórdicu antigu -vik (pa bahía) implica que los vikingus correctamenti lu considerarun comu una entrá del mari.

A prencipius del siglu XI, las costas del sul i del esti del Bálticu huerun asentás pol migrantis prencipalmenti d'Alemaña, un movimientu llamau el Ostsiedlung («asentamientu del esti»). Otrus colonus yeran de los Paísis Bajus, Dinamarca i Escocia. Los eslavus polabius huerun asimilaus gradualmentri polos alemanis. Dinamarca gradualmentri ganó el control sobri la mayol parti de la costa del Bálticu, ata que perdió gran parti de sus pertenencias endispues de sel derrotá ena batalla de Bornhöved de 1227.

Enos sigrus XIII al XVII, la fuerzaa económica más fuerti nel norti d'Uropa fue la Liga Hanseática, una federación de ciais mercantis de tó el mari Bálticu i el mal del Norti. Enos siglus XVI i prencipius del XVII, Poloña, Dinamarca, i Suecia luchun guerras pa Dominiu del Maris Baltici («Señoríu sobri el mari Bálticu»). Col tiempu, fue Suecia, que práticamenti abarcaba tola costa báltica. En Suecia se referían al mal comu Mare Nostrum Balticum («Nuestru mari Bálticu»).

Las rutas comercialis alo largu del mal fuerun clavis ena economía uropea. Los neerlandesis quienis dominun el comerciu del Bálticu nel sigru XVII, cuna fuerti influencia engresa ena etapa más moelna. Los danesis sustentun ena Edá Moelna la su economía enos peajis del Sund que cobrun pol acedel al mal, siendu la su revocación un objetivu de neerlandesis, británicus, suecus i rusus. El acesu a puertus no estacionalis fue una delas prioridais del desarrollu del imperiu rusu, que fue estableciéndusi comu potencia regional tras la grandi guerra del Norti.

Geografía

Edital
 
Cuencas de drenaji del Bálticu (área de captación), con hondura, elevación, ríus prencipalis i lagus
 
Laguna de Curonia, Istmu i Klaipėda
 
Cabu Arkona ena isla de Rügen, Alemaña.

El Mari Bálticu es unu delus maris interioris salobris más grandis por área, i ocupa una cuenca (un Zungenbecken) formá pola erosión glacial duranti las últimas edais del yelu.

Citations: [1] https://lletresasturianes.alladixital.org/pdf/1510043524lletres%20117.pdf [2] https://ast.wikipedia.org/wiki/Lling%C3%BCes_d'Europa

Sudivisionis

Edital

El mari Bálticu está compuestu por varias partis. En términus genéricus, esti mari va dendi el Golfu de Bótnia, nel norti, ata la Escânia sueca i las islas dinamarquesas dela Zelândia, Fyn i Lolland, nel suresti. Nun sentíu más estrechu, el mari Bálticu va dendi la región delas islas Åland ata la región dela Escânia i delas islas dinamarquesas. Nel mari Bálticu se destinguen las siguientis subdivisionis:

La parti norti del Bálticu es conocía comu el golfu de Botnia, del qual la parti más setentrional es la baía de Botnia. La cuenca meridional más redondeá del golfu se llama mari de Botnia i inmediatamenti al sul desta s'encuentra el mari d'Åland. El golfu de Finlandia conecta el mari Bálticu con San Petersburgu. El golfu de Riga s'encuentra entri la ciá de Riga, capital de Letoña, i la isla Saaremaa d'Estoña.

El Bálticu del norti s'encuentra entri la zona d'Estocolmu, al suroesti de Finlandia i Estonia. Las cuencas ocidental i oriental de Gotland forman las prencipalis partis del Bálticu Central o del Bálticu propiamenti dichu. La cuenca de Bornholm es l'área al esti de Bornholm, i la más supelficial de la cuenca Arkona que s'estiendi dendi Bornholm a las islas danesas de Falster i Zelanda.

Nel sul, la bahía de Gdańsk s'encuentra al esti de la península de Hel ena costa polaca i al oesti de la península de Sambia nel óblast de Kaliningradu. La baía de Pomerania s'encuentra al norti de las islas d'Usedom i Wolin, al esti de Rügen. Entri Falster i la costa alemana s'encuentran la baía de Mecklemburgu i la bahía de Lübeck. La parti más occidental del Bálticu es la baía de Kiel. Los tres estrechonis danesis, el Gran Belt, el Pequeñu Belt i el soníu (u Oresund), conetan el Bálticu cola baía de Kattegat i el estrechu de Skagerrak nel mari del Norti.

Yelu marinu

Edital
 
Imagen por satéliti del Mari Bálticu nun ivienu suavi
 
Atravessandu el Mari Bálticu i el yelu
 
Nlos ivienus particularimenti fríus, las partis costeras del Mari Bálticu se yelan lo suficienti pa andal o esquial por encima.
 
Montonis de yelu ala deriva ena costa d'Estoña, a finalis d'abril.

Comu media anual, el mari Bálticu s'encuentra cubiertu de yelu comu mássimu nun 45% dela su supelfici. L'área cubierta de yelu duranti un inviernu típicu incluyi el golfu de Botnia, el golfu de Finlandia, el golfu de Riga, Väinameri nel archipiélagu d'Estonia, el archipiélagu d'Estocolmu i el mari del archipiélagu delas aguas territorialis finlandesas. El restu del Bálticu no se congela duranti un invierno normal, cola ececión de bahías protegías i lagunas pocu hondas, comu la laguna de Curlandia. El yelu alcança el su grau mássimu en febreru o marçu; el espesol del yelu típicu enas çonas más septentrionalis de la bahía de Botnia, la cuenca norti del golfu de Botnia, es d'unus 70 cm pa Landfast yelu marinu1. El espessol disminuyi acia el sul. La congelación prencipia enos estremus norti del golfu de Botnia típicamenti a meyaus de noviembri, aportandu a las aguas abiertas de la bahía de Botnia a prencepius d'eneru. El mari de Botnia, la cuenca del sul de Kvarken, se congela, en promedio, a finalis de febreru. El golfu de Finlandia i el golfu de Riga se congelan normalmenti a finalis d'eneru. En 2011, el golfu de Finlandia estaba completamenti congelau el 15 de febreru[2].

La estensión del yelu dependi de si el invierno es suavi, moderau o gravi. Inviernus severus puen lleval a la formación de yelu pol sul de Suecia, i encrussu enos estrechonis danesis. D'acuerdu col historiador natural del siglu|XVIII William Derham, duranti los cruus inviernus de 1703 i 1708, la capa de yelu s'estendía ata los estrechonis danesis. A menudu, partis del golfu de Botnia i del golfu de Finlandia están congelás, i amás de las franjas costeris en lugaris más al sul comu el golfu de Riga.[3][4] Enos últimus añus anterioris a 2011, la baía de Botnia i el mari de Botnia se congelun con yelu sólidu cerquina dela costa del Bálticu i yelu flotanti a partil d'aí. En 2008, quasi que no ubu formación de yelu a ececión dun brevi período en marçu. Duranti la primavera, el golfu de Finlandia i el golfu de Botnia, normalmenti se descongelan a finalis d'abril, con algunas crestas de yelu que persistin ata mayu enos estremus orientalis del golfu de Finlandia. Ena parti más setentrional de la bahía de Botnia, el yelu pol lo general se mantieni ata finalis de mayu; a prencipius de juniu es prácticamenti nulu.

Idrugrafía

Edital
 
Mapa batimétricu del Bálticu.

El Bálticu fluyi a través delos estrechonis danesis; nostanti, el fluju es compleju. Una capa supelficial d'agua salobre descarga 940 km³ pol añu nel mari del Norti. Debíu ala diferencia ena salinidá, pol prencipio de permeación dela salinidá, una capa sub-supelficial de más agua salá se muevi ena direción opuesta trai 475 km³ pol añu. Se meçcla mu lentamenti colas aguas superioris, resultandu nun gradienti de salinidá d'arriba abaju, cola mayol parti del agua salá quedandu pol baju de 40 a 70 m de hondura. La circulación general es acia la gacha: acia el norti alo largu dela su frontera oriental, i nel sul a lo largu dela ocidental.[5]

La diferencia entri la salía i la entrá vieni enteramenti del agua dulci. Más de 250 ríus drenan una cuenca d'aprosimadamenti 1,6 millonis de quilómetrus quadraus, aportandu un volumen de 660 km³ pol añu ata el Bálticu. Incluyin los prencipalis ríus del norti d'Uropa, comu el Oder, el Vístula, el Niemen, el Daugava i el Neva. L'agua dulci adicional provieni dela diferencia dela precipitación menus evaporación, lo qual es positivu.

Saliniá

Edital

La saliniá del Bálticu es mu baja acompará cola d'otrus maris u océanus; se pue consideral intermedia entri l'agua dulci i la salá. Esti hechu s'esplica pola su alta latitú (esperimenta poca evaporación), combiná cuna grandi aportación d'agua dulci pol parti de muchus ríus que, debíu ala ya mentá estrechez de la su comunicación col océanu, es mu difícil d'evacual i renoval con agua salá. Esta baja salinidá tieni unas huertis implicacionis biológicas, con muchas especis diferentis de las sus homólogas en otrus maris.

L'agua más salá está estratificá verticalmenti ena coluna d'agua al norti, creandu una barrera pal intercambiu d'osígenu i nutrientis, i el fomentu de los entornus marítimus completamenti separaus.[6]

Prencepalis afluentis del Báltico

Edital
Nombre Media de
descarga		 Longitud Cuenca Estados que comparten la cuenca Curso de agua más largo
Neva 2500 m³/s     74 km (nominal)
  860 km (hidrológico)		 281 000 km² Rusia, Finlandia Suna (280 km) → Lago Onega (160 km) →
Svir (224 km) → Lago Ladoga (122 km) → Newa
Vístula 1080 m³/s 1047 km 194 424 km² Polonia, Bielorrusia, Ucrania, Eslovaquia
Dvina   678 m³/s 1020 km   87 900 km² Rusia, Letonia
Neman   678 m³/s   937 km   98 200 km² Bielorrusia, Lituania, Rusia
Río Kemi   556 m³/s   550 km 51 127.3 km² Finlandia, Noruega mayor afluente Kitinen
Oder   540 m³/s   866 km 118 861 km² Chequia, Polonia, Alemania
Río Lule   506 m³/s   461 km   25 240 km² Suecia
Narva   415 m³/s     77 km (nominal)
  652 km (hidrológico)		   56 200 km² Rusia, Estonia Velikaya (430 km) → Lago Peipus (145 km) → Narva
Torne älv   388 m³/s   520 km (nominal)
  630 km (hidrolóico)		   40 131.4 km² Noruega, Suecia, Finlandia Válfojohka → Kamajåkka → Abiskojaure → Abiskojokk
(sumu = 40 km)→ Torneträsk (70 km) → Torne älv

Islas i archipiélagos

Edital
 
Los escollos forman una parte integral y típica de muchos de los archipiélagos del mar Báltico, como estos en el archipiélago de las Islas Åland, Finlandia.
 
Vista aérea del archipiélago de Blekinge en Suecia.

Paísis costerus

Edital
 
Estensas dunas costeras son característicus de gran parti dela costa meridional del mari Bálticu.

Paísis con costas al mari:

Prantilla:DEN,   Estónia,   Finlándia,   Alemaña,   Letónia,   Lituania,   Poloña,   Rúsia, Prantilla:SWE.

Paísis que s'assitian ena cuenca de drenaji, inque no tienin costas al mari:

Prantilla:BLR, Prantilla:CZE,   Noruega, Prantilla:SVK,   Ucránia.

La cuenca de drenaji del mari Bálticu es aprosimadamenti quatru vezis la supelfici del mari mesmu. Alreol del 48% dela región está cubierta de bosquis, Suecia i Finlandia contienin la mayol parti del bosqui, especialmenti alreol de los golfus de Botnia i Finlandia.

Alreol del 20% dela tierra se gasta pa l'agricultura i el pastoreu, sobri tó en Poloña i el bordi del Bálticu en Alemaña, Dinamarca i Suecia. Alreol del 17% dela cuenca es tierra abierta sin usal i otru 8% d'umedalis. La mayol parti destos últimus están enos golfus de Botnia i Finlandia.

Ciais costeras

Edital
 
Densidá de puebración enas costas del Bálticu

La cuenca de drenaji del Mari Bálticu es aprossimáamenti quatru vecis l'área de superfici del propiu mari. Alreol del 48% dela región está arbolá, conlas Suécia i Finlândia conteniendi la mayoría del monti, especialmente alreol delus Golfus de Bótnia i Finlândia.

Las ciais costeras más grandis (pol puebración):

 
Isla Vasilyevsky en San Petersburgu, Rússia
 
Stocolmu en Suecia
 
Riga en Letoña
 
Helsinki en Finlandia
 
Gdańsk en Poloña
 
Tallinn en Estoña
  • San Petersburgu (Rusia) 4 700 000 (área metropolitana 6 000 000)
  • Estocolmu (Suecia) 843 139 (área metropolitana 2 046 103)
  • Riga (Letoña) 696 567 (área metropolitana 842 000)
  • Helsinki (Finlandia) 605 022 (área metropolitana 1 358 901)
  • Gdańsk (Poloña) 462 700 (área metropolitana 1 041 000)
  • Kaliningradu (Rusia) 431 500
  • Szczecin (Poloña) 413 600 (área metropolitana 778 000)
  • Tallin (Estoña) 429 500
  • Gdynia (Poloña) 255 600 (área metropolitana 1 041 000)
  • Kiel (Alemaña) 242 000
  • Espoo (Finlandia) 257 195 (parti del área metropolitana de Helsinki)
  • Lübeck (Alemaña) 216 100
  • Rostock (Alemaña) 212 700
  • Klaipėda (Lituaña) 194 400
  • Oulu (Finlandia) 191 050
  • Turku (Finlandia) 180 350
 
Puertu de Helsinki
 
Puertu de Tallin
 
Puertu de Klaipėda
 
Puertu de San Petersburgu
 
Puertu de Kaliningradu
 
Puertu de Gdansk

Puertus importantis (aunque no grandis ciais):

Estoña:

Finlandia:

Alemaña

Letoña:

Lituaña

Poloña:

Rusia:

Suecia:

Geología

Edital

El Bálticu s'asemeja bastanti a un cauci de ríu, con dos afluentis, el golfu de Finlandia i el golfu de Botnia. Encuestas xeológicas muestran qu'enantis del Pleistocenu en lugal del Bálticu, se produju un'amplia llanura alreol dun grandi ríu que los paleontólogus llaman los Eridanos. Varius episodius de glaciación duranti el Pleistocenu sacun el lechu del ríu ena cuenca del mari. Nel momentu dela última, o etapa Eemian, el mari Eemian estaba nel su lugal. En vezi dun verdaeru mari, el Bálticu, incluso güei en día tamién se pue entendel comu el común estuariu de tós los ríus que desembocan nel.

Biología

Edital
 
Fitoplancton nel Bálticu.

Alreol de 100 000 quilómetrus quadraus (38 610 millas quadrás) del hondón marinu del Bálticu (una quarta parti dela su supelfici total) es una variabli dela çona muerta. Quantu más salá (i pol tantu más densa) es l'agua quea nel hondón, aislándola de las aguas supelficialis i la atmósfera. Estu lleva a una desminución delas concentracionis d'osígenu ena çona. Se trata prencipalmenti de baterias que crecin nela, la dixestión dela materia orgánica i la liberación de sulfuru d'idrógenu. Debíu a esta grandi çona anaeróbica, la ecoloxía del hondon marinu difieri del Atlánticu.

Los planis pa osigenal artificialmente las çonas del Bálticu qu'an esperimentau la eutrofización an síu propuestus pola Nuversidá de Gotemburgu i InOcean AB. La propuesta tieni la intención d'atilizal bombas impulsás pol vientu pa inyetal osígenu (airi) enas aguas en u alreol de 130 m baxu el nivel del mari.[7]

La fauna de pecis del Bálticu es una mistura d'especis marinas comu el bacalau, el arenqui, la merluza, la solla, el lenguau, cabrachu i el rodaballu, i especis d'agua dulci comu la perca, el luciu i el pescau blancu.

Las imágenis de satéliti tomás en juliu de 2010 revelun una masiva proliferación d'algas que cubri 377 000 quilómetrus quadraus (146 000 millas quadrás) nel Bálticu. L'área dela floración s'estiendi dendi Alemaña i Poloña a Finlandia. Los investigaoris del fenómenu an indicau que la proliferación d'algas s'an produçíu tós los veranus dendi haci décás. Fertilizantis escurríus de tierras agrícolas circundantis an esacerbau el poblema i llevau a un aumentu dela eutrofización.

Economía

Edital
 
El Puenti-Túnel Øresund qu'uni Dinamarca i Suecia

La costrución del puenti del Gran Belt en Dinamarca (terminau 1997) i el de Puenti-Túnel Øresund (terminau 1999), qu'uni Dinamarca con Suecia, creó una conesión carretera i de ferrocarril entri Suecia i la parti continental de Dinamarca (la península de Jutland). El túnel submarinu del Øresund ofreci la libri navegación de grandis buquis acia i dendi el Bálticu.

El Bálticu es la prencipal ruta comercial pa la esportación de petróleu rusu. Muchus de los paísis vezinus del Bálticu s'an preocupau por estu, ya qu'una fuga de petróleo nun buqui cisterna d'alta mari sería desastrosu pal Bálticu, debíu al lentu intercambiu d'agua. La industria turística qu'arrodea el Bálticu está, naturalmenti, preocupá pola Contaminación procedenti de buquis|contaminación por hidrocarburus.

Gran parti dela costrución naval se lleva a cabu enos astillerus de tó el Bálticu. Los mayoris astillerus están en Gdańsk, Gdynia i Szczecin, Polonia, Kiel, Alemaña, Karlskrona, Malmö, Suecia; Rauma, Turku i Helsinki, Finlandia; Riga, Ventspils i Liepaja, Letonia; Klaipeda, Lituania; i San Petersburgu, Rusia. Hay varius transbordaoris de carga i pasaxerus qu'operan nel Bálticu.

Turismu

Edital

Muellis

Edital

Destinus turísticus

Edital

Conveniu de Helsinki

Edital

Conveniu de 1974

Edital

Pola primel vé ena estoria, tolas huntis de contaminación de tó un mari se sometun a un únicu conveniu, firmau en 1974 polos entoncis sieti paísis ribereñus del Bálticu. La Convención de 1974 entró en vigol el 3 de mayu de 1980.

Conveniu de 1992

Edital

Ala lús delos cambius i la evolución del derechu ambiental i marítima enternacional, un nuevu conveniu se firmó en 1992 por tolos Estaus ribereñus del Bálticu i la Comunidá Uropea. Endispués dela ratificación el conveniu entró en vigol el 17 de heneru de 2000. El Conveniu abarca el conjuntu dela çona del Bálticu, encruyendu las aguas interioris i las aguas del mari en sí, assina comu el hondón del mari. Las medías tamién se toman en tola cuenca del Bálticu pa reduçil la contaminación d'origen terresti. La Convención sobri la Proteción del Mediu Marinu dela Çona del mari Bálticu de 1992, entró en vigol el 17 de eneru de 2000. El órganu de gobiernu dela Convención es la Comisión de Helsinki, tamién conocía comu HELCOM, u la Comisión de Proteción del Mediu Marinu del Bálticu. Las presentis partis contratantis son Dinamarca, Estoña, la Comunidá Uropea, Finlandia, Alemaña, Letoña, Lituaña, Poloña, Rusia i Suecia. Los instrumentus de ratificación huerun depositaus pola Comunidá Europea, Alemaña, Letoña i Suecia en 1994, pol parti d'Estoña i Finlandia en 1995, Dinamarca en 1996, pol parti de Lituaña en 1997 i pol Poloña i Rusia en noviembri de 1999.

Contaminación

Edital

El mari Bálticu es unu delus maris más contamináus del planeta. Está arroeau por çonas con mucha población i produción agrícola i industrial, al mesmu tiempu que tieni una entrá mínima p'agua fresca del Atlánticu.

Es cruzau constantimenti por abondus barcus de carga i de pasajerus. Grandis ferris transportan milis de turistas entri Estocolmu ena Suécia i Helsinki i Turku ena Finlândia.

Ena Dinamarca, los criaóris de cochinus vienin echaeru milis de tonelás d'estiércol de cochinu nel mari Bálticu, escambiandu el su equilibriu i haciéndo-lu unu delus maris más contamináus del mundu.

Referencias

Edital
  1. ↑ Cite book |last=Niktalab |first=Poopak |author-link=Poopak NikTalab |title=Over the Alps: History of Children and Youth Literature in Europe |publisher=Faradid Publisher |year=2024 |isbn=9786225740457 |edition=1st |location=Tehran, Iran |pages=6 |language=fa
  2. ↑ Helsingin Sanomat , 16 de febrero de 2011, p. A8.
  3. ↑ Sea Ice Survey Ciencia Espacial y el Centro de Ingeniería de la Universidad de Wisconsin.
  4. ↑ Helsingin Sanomat, 10 de febrero de 2011, p. A4; 25 de febrero 2011, p. A5; 11 de junio 2011, p. A12.
  5. ↑ Alhonen, p. 88
  6. ↑ El mar Báltico: su pasado, presente y futuro PDF (352 KB), Jan Thulin y Andris Andrushaitis. Religión, ciencia y medio ambiente (V Simposio sobre el mar Báltico, 2003).
  7. ↑ cita web|título=Oxigenación a una profundidad de 120 m podría salvar el Báltico, demuestran los investigadores|url=http://www.sciencedaily.com/releases/2011/04/110418141617.htm%7Ceditorial=Science Daily

Atijus pa fuera

Edital

Prantilla:Commons

Arrecuperau dendi "https://ext.wikipedia.org/w/index.php?title=Mari_Bálticu&oldid=133453"