Matemáticas

La matemática (del griegu "μάθημα", máthema: céncia, conocimientu, aprendizaji, μαθηματικóς, mathematikós: amanti el conocimientu) es la céncia qu'estudia las cantiais i las hormas, las sus relacionis, assina comu la su volución nel tiempu.

Teseractu o ipicubu, figura hormá por dos cubus desprazaus nun cuartu eji dimensional.

Pa las matemáticas no ái una definición totalmenti acetá por tous. Ogañu puei definil-si comu una céncia que s'acupa la descrición de las caraterísticas i disseñus de las estruturas astratas.