Motivu númiru 1
Motivu númiru 1 (En ingrés: Motif Number 1) es una cabaña de pescaol assitiau nel Muelli Bradley (en ingrés: Bradley Wharf), nel puertu del monicipiu de Rockport, Massachussets, enos Estaus Uníus. Es conocía ena pintura i ena estoria del arti por sel el edificiu más pintau enos Estáus Uníus.
| Motivu númiru 1 | ||
|---|---|---|
 | ||
| Tipu | construcción | |
| Sitación | Massachusetts (Estaus Unius) | |
| Coordenadas | 42°39′33″N 70°36′54″O / 42.659269444444, -70.614875 | |
Toponimia
EditalSi creye qu'el pintol Lester Hornby (1882 - 1956) hue el primeru en nombral ala cabaña comu "Motivu númiru 1", una referencia a que hue el su motivu favoritu pala su obra artística. Posteriolmenti el nombri consiguió acetación general.
Estoria
Edital
La cabaña original hue costruía ena década de 1840, tiempu enque varius artistas hormarun una coloña d'artistas en Rockport. La cabaña se convirtió nel ojetu favoritu delos artistas palas sus pinturas, debíu al componimientu i el alumbraeru dela su situación, assín comu por sel un símbolu dela vida marítima de Nueva Ingalaterra.
Nel añu 1929 hue mercau i gastau comu estuyu pressonal pol pintol John Buckley.[1] El pintol vendió la cabaña al monicipiu en 1945. El monicipiu, en reconocencia dela emportacia dela estrutura, tien el mandau del mantenimientu i condura dela cabaña.
L'estrutura original hue destruía duranti la Ventisca de 1978 debíu alas olas del mari i la barcuná causás pola trúbila, peru hue recostruía essi mesmu añu.[2][3]
Estrutura
EditalLa cabaña s'assitia nuna basi de piera de granu, col restu dela estrutura en maera i fachá de colol roxu.[4]
Coltura populal
EditalL'estrutura es conocía por sel l'estrutura más pintá ena estoria del arti enos Estaus Uníus.[5] Abondu artistas gastarun la estrutura palas sus criacionis artísticas. Destacan pintoris comu el empresionista Harry Aiken Vincent i Aldro Hibbard
Una copia d'8 metrus (27 pies) hue costruía en Rocksport i espuesta ena Feria Mundial de Chicago de 1933, pala su participación ena American Legion's Convention. El proyeutu criau alo primeru polos legionarius de Rocksport, alogu tuvu l'ayúa delos biembrus dela Asociación d'artistas de Rocksport i de tol monicipiu. El proyeutu sirvió comu campaña pulicitaria i traxu visitaoris al puebru.[6][7]
Vea-si tamién
EditalReferencias
Edital- ↑ «Books: The Literary Life - TIME». web.archive.org. 23 de junio de 2010. Archivado desde el original el 23 de junio de 2010. Consultado el 9 de abril de 2023.
- ↑ «Stamp Out! Motif No.1». web.archive.org. 23 de mayo de 2009. Archivado desde el original el 23 de mayo de 2009. Consultado el 9 de abril de 2023.
- ↑ «A look back at the Blizzard of 1978 - Boston.com». web.archive.org. 18 de mayo de 2010. Archivado desde el original el 18 de mayo de 2010. Consultado el 9 de abril de 2023.
- ↑ «Stamp Out! Motif No.1». web.archive.org. 23 de mayo de 2009. Archivado desde el original el 23 de mayo de 2009. Consultado el 9 de abril de 2023.
- ↑ Bourgault, Bethany (27 de julio de 2022). «Motif No. 1 | The Story Behind Rockport's Little Red Shack». New England (en inglés). Consultado el 9 de abril de 2023.
- ↑ Two newspaper clippings from the Gloucester Daily Times, 1933, 1933, consultado el 9 de abril de 2023.
- ↑ «CONTENTdm». hdl.huntington.org. Consultado el 9 de abril de 2023.
Bilblografía
Edital- Caitlin, Vincent (2007). Roadtripping USA: The Complete Coast-to-Coast Guide to America. Macmillan. ISBN 0-312-36182-3.
Atijus p'ahuera
Edital