Napoleón III Bonaparte

Napoleón III
Enhormación pressonal
Nombri de nacencia	Charles Louis Napoléon Bonaparte
Nombre en francés	Napoléon III
Nacencia	20 de abril de 1808 ; París (Fráncia)
Muerti	9 de enero de 1873 (64 años); Chislehurst (en) (Réinu Uniu)
Causa de muerti	Sepsis
Sepoltura	Tumba de Napoleón III
Nacionalidá	Francesa
Religión	Elésia católica
Familia
Pairis	Luis Bonaparte ; Hortensia de Beauharnais
Cónyugi	Eugenia de Montijo (1853-1873)
Collera	Alice Ozy; Eléonore Vergeot ;
Educación
Educau en	Waffenplatz Thun
Enhormación profissional
Oficiu	Políticu y escrevienti
Cargus acupaus	Diputado francés; Gran maestro de la Legión de Honor; Presidente de la República Francesa (1848-1852); Copríncipe francés de Andorra (1848-1870); Jefe de Gobierno de Francia (1851-1870); Emperador de los franceses (1852-1870) ;
Rangu melital	General de ejército
Conflitus	Guerra franco-prusiana
Firma
	Escudo
	;
	[editar datos en Wikidata]

Carlos Lluis Napoleón Bonaparte (20 d'abril de 1808, París – 9 de jeneru de 1873, Chislehurst) fue l'únicu presidenti dela Segunda Repúbrica Francesa (1848-1852) i, endispués, emperaol delos francesis entri 1852 i 1870 baxu el nombri de Napoleón III, siendo l'últimu monarca de Francia. Iju de Luis I i de Ortensia de Beauharnais, ija dela emperatriz Josefina, tuvu nacencina nel senu dela Casa de Bonaparte. Por mor del su parentescu con Napoleón Bonaparte, se convirtió nel ijuelu legítimu delos derechus dinásticus tras las muertis sucesivas del su germanu mayol i Napoleón II. La su filosofía política era un mezcli de romanticismu, de liberalismu autoritariu i de socialismu utópicu, inque nelos últimus añus fue ensigni defensol del tradicionalismu i dela civilización católica. Quisu senifical un arreglu frenti al anticlericalismu i el ateísmu dela Revolución francesa. Tuvu una política d'espansión dela civilización clásica que, nela su opinión, Francia representaba, frenti al surgimientu d'Alemaña i Estaus Uníus, potencias emergentis de tipu protestanti.

Primerus añus

Luis Napoleón Bonaparte tuvu nacencia en Burdeus. El su pairi fue Luis Bonaparte, rei d'Olanda, germanu más nuevu de Napoleón I, i la su mairi Ortensia de Beauharnais, polo tantu, la su carrera política fue construía sobri el jechu de qu'era familiar (sobrinu) de Napoleón I. Endipués del amancorneu final de Napoleón I i la su deposición en 1815 i la restauración dela monarquía delos Borbonis en Francia, por lei del 1 de jeneru de 1816, desterrun a tós los Bonaparte del territoriu francés. La reina Ortensia s'essilió en Suiça colos sus ijus i compró, en 1817, el castillu d'Arenenberg (Suiça), qu'asomaba al lagu de Constanza. El futuru emperaol assistió al Liceu d'Augsburgu i mercó los sus primerus conocimientus marcialis dun antigu oficial de Napoleón I. En 1830 fue voluntariu nel ejércitu suiçu, ondi logró el grau de capitán d'artillería en 1834. El moçu Luis-Napoleón vivió amás den Suiça, n'Alemaña i Italia. Siendu moçu, n'Italia, él i el su germanu Napoleón Luis s'implicun nasas protestas delos carbonarius, una organización dela resistencia italiana, emparentá cola francmasonería, que luchaba contra la dominación austriaca nel norti d'Italia.