L'orgasmu (del griegu ὀργασμός, orgasmós)​ es la decarga dela tensión sessual acumulá duranti el ciclu dela respuesta sessual, resultandu en contracionis muscularis rítmicas ena región pélvica caracterizás pol prazel sessual.​​​ Esprimentau por ombris i mugeris, los orgasmus son controlaus pol sistema niervosu involuntariu o autónomu. Amenúu s'asocian con otras acionis involuntarias, encruyendu espasmus muscularis en múltiplis áreas del cuerpu.​ L'orgasmu está atijau cona liberación delas neurohormonas, ossitocina i prolactina, assín comu las endorfinas.

Los orgasmus umanus generalmenti resultan dela estimulación sessual física del peni enos ombris (normalmenti acompañandu ala eyaculación), i del clítori enas mugeris.​​​ L'estimulación sessual puei sel por práctica propia (masturbación) o con una pareja sessual (relacionis sessualis con penetración o sin penetración, o sotra actividá sessual).

Enos ombris l'orgasmu sueli dil acompañau dela eyaculación i es seguíu dun periodu refractariu nel que no puein tenel más orgasmus. Enque s'aceta generalmenti que las mugeris no esprimentan periodu refractariu (pudiendu esprimental múltiplis orgasmus, imediatamenti endespués del primeru),​ angunas huentis declaran que tantu ombris comu mugeris tienin periodu refractariu, ya que las mugeris tamién tendrían un períodu tras l'orgasmu nel que más estimulación no produci citación.[1]

Referencias Edital

  1. Daniel L. Schacter, Daniel T. Gilbert, Daniel M. Wegner, Psychology, Macmillan Publishers, 2010, p. 336. Consultau el 10 de noviembri de 2012