Palaciu de Mirabel
El Palaciu de Mirabel es un edificiu estóricu del siegru XV dela ciá de Prasencia, ena comuniá utónoma d'Estremaúra. Es el edificiu de caraiti civil más emportanti la ciá. Hue declarau bien d'interés coltural nel añu 1977[1].
Hue costruyíu nel siegru XV pol delantera d'Álvaro de Zúñiga y Guzmán i la su sigunda mugel Leonor Pimentel y Zúñiga, primerus duquis de Prasencia. El palaciu tié un ampliu patiu renacentista, costruyíu en dos pisus con arcus de meyu puntu i decorau conos blasonis la casa nobiliaria Zúñiga-Mirabel. Destaca igualmenti el salón de Carlos V, con una espetera l'Emperaor obra de Pompeo Leoni. El palaciu está añexau ala praça de San Nicolás i adornau con colunas i escolturas romanas procedentis de Cáparra i Méria. Ena parti posteriol l'edificiu s'abri un balcón d'estilu praterescu mu destacau, únicu ena ciá[2][3].
Tieni una coleción emportanti de pieças arquiologicas italianas d'epoca romana i azulejus provenientis del Monesteriu de Yusti.
Referencias
Edital- ↑ «Real Decreto 3587/1977. de 9 de diciembre, por el que se declaró monumento histórico-artistico de cardcter nacional el Palacio de Mirabel, en Plasencia (Cáceres)». Boletín Oficial del Estado número 35. 10 de febrero de 1978. Consultado el 5 de mayo de 2017.
- ↑ «Palacios y casas señoriales». Boletín Oficial del Estado número 35. 10 de febrero de 1978. Consultado el 5 de mayo de 2017.
- ↑ Bravo Martín, Alberto (15 de febrero de 2016). «Sobre un retrato ecuestre del palacio de Mirabel». Consultado el 5 de mayo de 2017.