El Partido Popular o PP (Partiu Populal en estremeñu) es un partíu políticu español, definiu comu centru reholmista, edenteficau populalmenti cona derecha conservadora. Hue hundau en 1989, i sigún las sus propias estimaciones, cuenta con mas de 800.000 afiliaus, huendu el partiu políticu con mas afiliaus d'España. Esti partiu tien el su origin en Alianza Popular quandu s'unió con el Partido Demócrata Popular i el Partido Liberal en 1989. Es unu los dos partius mayoritarius d'España, junta el Partido Socialista Obrero Español. Ogañu es el partíu más importanti dela oposición del Estau Español, amás de gobelnal varias comunidais autónomas, assín comu en Ceuta i Melilla. Es el segundu que mas vezis á gobelnau el país dende el restablecimientu de la democracia, al atrás del PSOE.

Sé del partíu en Mairil.

Tien delegacionis regionalis en ca comuniá autónoma i en várius paisis, entegrás ena comuniá española d'estus. Holma parti del Partiu Populal Uropeu (PPE), de la Internacional Demócrata de Centru (IDC), i de la Union Internacional Demócrata (IDU). La su organizacion juvenil sonin las Nuevas Generaciones del Partido Popular (NNGG). Nel su Congressu Nacional de 2008, Mariano Rajoy hue reelegiu Presienti Nacional i María Dolores de Cospedal, Secretaria General.