Patrimoñu dela Umanidá

Patrimoñu dela Umanidá es un títulu que obtien un lugal en concretu (cumu puei sel un bosqui, montaña, lagu, desiertu, monumentu, costrución, compleju, o ciá) que á siu nominá pal pograma enternacional Patrimoñu dela Umanidá pol comité dela Organización de las Nacionis Unias pala Educación, la Cencia i la Coltura (UNESCO) pola su emportancia, coltural o natural.

Monumentu alas ciais Patrimoñu dela Umanidá‎ en Méria

El pograma hue hundau cona Convención Concernienti ala Proteción dela Erencia Coltural i natural Mundial, la cual hue adotá pola Conferencia Mundial dela UNESCO el 16 de noviembri de 1972. Dendi altoncis, mas de 180 paisis án ratificau la convención.

Cá lugal Patrimoñu dela Umanidá está en propiedá del país nel que el monumentu, bosqui... s'alcuentra assitiau, peru está considerau que es d'enterés enternacional conserval essi lugal palas huturas generacionis. La proteción i conservación d'estus lugaris concierni a tolos paisis Patrimoñu dela Umanidá.

En 2022 tenía la lista un total de 1154 lugaris: 897 con propiedais colturalis, 218 naturalis, i 39 mistus, en 167 paisis.

Estoria

Pre-convención

En 1959, el gobiernu d'Egitu acetó costruil la gran presa d'Aswan, algu que inundaria un valli con emportantis tesorus de cevilizacionis antiguas, comu, por exemplu, los templus d'Abu Simbel. Hue altoncis quandu la UNESCO creó una campaña mundial con el fin de protegel estus tesorus, a pesal delas peticionis dendi los gobiernus d'Egitu i Sudán. Finalmenti, los templus d´Abu Simbel i Philae huerun muaus a otru assitiamientu a una mayol altol.

El costi el proyeutu hue de unus $80 millonis de dolaris, sobri $40 millonis los cualis huerun recaudaus endi 50 paisis deferentis. Hue reconociu comu un déssitu total, i premitió creal otras campañas (salvandu Venecia i la su laguna en Italia, las ruinas de Mohenjo-daro en Paquistan...). Hue altoncis cuandu UNESCO prencipió, con el Conseju Enternacional de Monumentus i Lugaris, un convención esbozu pa protejel la erencia coltural mundial.

Convención i hondu

Un testu únicu hue finalmenti alcuerdau pol tolas partis afetás, i la Convention Concerning the Protection of the World Cultural and Natural Heritage (Convención Concernienti a la Proteción el Legau Curtural i Natural el Mundu) hue adotá pola Conferencia Heneral la UNESCO de 16 de noviembri e 1972.

Procesu de Nominación

Enantis de ná, un país debi hazel una lista delas sus propieais colturalis i naturalis senificantis, a esta lista se la menta "La Lista Tentativa (en ingrés, the Tentative List), i es emportanti debiu a que un país no puei nominal propieais no incluias en esta lista. El siguienti pasu es selecional una propiedá dela lista pa assitiá-la en un "Archivu de Nominación". Dendi el Centru qu´emiti esti nombramientu (The World Heritage Centre) s´ofreci conseju i ayua pa preparal esti archivu, el cual debi sel lo mas comprensibri posibri.

En esti puntu, el archivu es endependientimenti evaluau por dos organizacionis: el "International Council on Monuments and Sites" i la "World Conservation Union". Estus cuerpus hazrán las sus recomendacionis al Comité (esti se reuni una vezi al añu pa determinal si añiil u nu cá propieá nominá a la lista "Patrimoñu la Umaniá", i angunas vezis difieri la decisión pa piil mas enhormación). Ai 10 criterius de seleción que tó lugal ebi superal pa sel incluiu ena lista.

Criterius de seleción

Hata terminal el añu 2004, huerun 6 los criterius pa los eificius... Patrimoñu Curtural i 4 pa los Patrimoñu Natural. En 2005, se moificó estu e horma que solu ai una seri e 10 criterius. Los lugaris nominaus ebin sel de "valol destacabli universalmenti" i cumplil al menus unu e los 10 criterius.

Atijus p'ahuera

• Portal dela UNESCO
• Testu dela Convención en castellanu
• Relación de bienis Patrimoñu la Umaniá en España
• Terra.es 2.6.2007. UNESCO estuya nuevus Patrimoñus dela Umanidá

• 
  Lugal 86: Memfis (Egitu) i la su Necrópolis, encluyendu las Pirámiis de Giza
• 
  Lugal 114: Persépolis (Irán)
• 
  Lugal 307: La Estatua la Libertá (Estaus Unius)
• 
  Lugal 393: Delphi (Leyiu: Delfi), encluyendu el antigu Tholos nel santuariu d´Athena Pronaia (Grecia)
• 
  Lugal 438: la Gran Muralla China e 10,000 Li (China)
• 
  Lugal 444: El Ksar de Aït Benhaddou (Marruecus)
• 
  Lugal 483: Chichen Itza en Yucatán (Méhicu)
• 
  Lugal 524: La Gran Stupa en Sanchi (India)
• 
  Lugal 540: Centru Estóricu e San Petesburgu i los sus alreoris (Russia)
• 
  Lugal 541: Centru Estóricu e Vilnius (Lituania)
• 
  Lugal 592: Borobudur (Indonesia)
• 
  Lugal 708: Monumentus Estóricus de Mtskheta, encluyendu la Catedrás Svetitskhoveli (Geolgia)
• 
  Lugal 723: Paisahi curtural de Sintra (Portugal)
• 
  Lugal 776: La Shinto Itsukushima Shrine e Miyajima, Hiroshima (Leíu comu Iroshima) (Japón)
• 
  Lugal 936: La Cueva e las Manus ena Patagonia (Argentina)
• 
  Lugal 960: Monasteriu Geghard (Armenia)