Peróxidu de hidrógenu
El peróssidu d'idrógenu (H2O2), tamién conocíu com áugua oxigená, dioxogen o diossidanu, es un compuestu químicu con características d'un líquidu artamenti polar, huertementi enlazao con el hidrógenu tal com'el áugua, que por lo general se presenta com'un líquidu ligeramenti más viscosu qu'esta. Es conocíu por sel un poderosu ossidanti.
A temperatura ambienti es un líquidu incoloru con fatu penetranti e inclusu desagradabli y sabor amargosu. Pequeñas cantidadis de peróxidu de hidrógenu gaseosu s'encuentran naturalmenti en el airi. El peróxidu de hidrógenu es mu inestabli y se descomponi lentamenti en ossígenu y áugua con liberación de gran cantidá de flama. Su velocidá de descomposición pué aumental una jartá en presencia de catalizaoris. Manqui no es inflamabli, es un agenti ossidanti potenti que pué causal combustión espontánea cuandu entra en contactu con matéria orgánica o algunus metalis, comu'l cobri, la plata o el bronci.
El peróxidu de hidrógenu s'encuentra en bajas concentracionis (del 3 al 9 %) en una jartá productus domésticus pa usus medicinalis y comu blanqueador e vestimentas y el cabellu. En la industria, el peróxidu de hidrógenu s'usa en concentracionis más artas pa blanqueal telas y pasta de papel, y al 90 % comu componenti de combustiblis pa cohetis y pa fabrical espuma de cauchu y sustancias químicas orgánicas. En otras áreas, comu en la investigación, s'utiliza pa medil la actividá de algunas enzimas, como la catalasa.
Aplicacionis Edital
Usu terapéuticu Edital
Las dilucionis de peróxidu de hidrógenu jata al 6 % están generalmenti reconocías comu seguras polas principalis agencias sanitarias del mundu pal su usu comu agenti antimicrobianu, agenti ossidanti[1][2] y otrus propósitus. Á síu utilizau comu agenti antisépticu y antibacterianu dendi hazi una jartá añus debíu al su efectu ossidanti. Manqui el su usu á descendidu los últimos añus debíu a la popularidá d'otrus productus sustitutivus, entoavía s'utiliza en una jartá hospitalis, centrus méicus y clínicas.
Véasi tamién Edital
Huentis Edital
Referéncias Edital
- ↑ D. González, I. Bejarano, C. Barriga, A.B. Rodríguez, J.A. Pariente (2010). "Oxidative Stress-Induced Caspases are Regulated in Human Myeloid HL-60 Cells by Calcium Signal". Current Signal Transduction Therapy 5: 181-186. doi:[10.2174/157436210791112172]
- ↑ Bejarano I, Espino J, González-Flores D, Casado JG, Redondo PC, Rosado JA, Barriga C, Pariente JA, Rodríguez AB (2009). "Role of Calcium Signals on Hydrogen Peroxide-Induced Apoptosis in Human Myeloid HL-60 Cells". International Journal of Biomedical science 5(3): 246-256.
Bibliografía Edital
- J. Drabowicz. G. Capozzi, et al. "The Syntheses of Sulphones, Sulphoxides and Cyclic Sulphides". John Wiley & Sons (1994) ISBN 0-471-93970-6; páginas 112–6
- N.N. Greenwood, A. Earnshaw. "Chemistry of the Elements". Butterworth-Heinemann. (1997)
Atijus Edital
En Commons ai conteníu multimedia sobre Peróxidu de hidrógenu.- Áugua oxigená. Propiedadis, usus y peligrus.
- Departamentu de Salú y Servicius Humanos d'Estaus Uníus.
- Peróxidu de hidrógenu en The Periodic Table of Videos (University of Nottingham)
- Material Safety Data Sheet
- ATSDR Agency for Toxic Substances and Disease Registry FAQ
- International Chemical Safety Card 0164
